#THE UNBOUND BIBLE (www.unboundbible.org)
#name	Romani NT: E Lashi Viasta (Gypsy)
#filetype	Unmapped-BCVS
#copyright	
#abbreviation	
#language	rmy
#note	
#columns	orig_book_index	orig_chapter	orig_verse	orig_subverse	order_by	text
40N	1	1		10	Eta so si ramome te zhangliolpe e vitsa le Jesus Kristoski, avilo katar o David kai avilo katar o Abraham.
40N	1	2		20	O Abraham sas o dat le Isaakosko; O Isaak sas o dat le Jakovosko; o Jakov sas o dat le Judasko ai leske phralengo; 
40N	1	3		30	O Judah sas o dat le Pharesko ai le Zarahosko (lenge dei sas e Thamar); O Phares sas o dat le Esromosko; O Esrom sas o dat le Aramosko; 
40N	1	4		40	O Aram sas o dat le Aminadabosko; O Amindab sas o dat le Naassonosko; O Naasson sas o dat le Salmonosko; 
40N	1	5		50	O Salmon sas o dat le Boazosko (E Rachab sas leski dei); O Boaz sas o dat le Obedosko (Ruth sas leski dei); o Obed sas o dat le Jessesko; 
40N	1	6		60	O Jesse sas o dat le Davidosko, o amperato;
40N	1	7		70	O David sas o dat le Solomonosko (leski dei sas e rhomni le Uriaseski); O Solomon sas o dat le Roboamosko; O Roboam sas o dat le Abiahosko; O Abia sas o dat le Asahosko; 
40N	1	8		80	O Asa sas o dat le Josaphatosko; O Josphat sas o dat le Joramosko; o Joram sas o dat le Oziasosko; 
40N	1	9		90	O Ozias sas o dat le Joathamosko; O Joatham sas o dat le Achazosko; O Achaz sas o dat le Ezekiasko; 
40N	1	10		100	O Ezekias sas o dat le Manassesko; O Manasses sas o dat le Amonosko; O Amon sas o dat le Josiasko; 
40N	1	11		110	O Josias sas o dat le Jechoniasko ai leske phralengo, pe vriama kai ningerde la narodos Israel ande Babylon.
40N	1	12		120	Kana sas ande Babylon, O Jechonias sas o dat le Salathielosko; O Salathiel sas o dat le  Zorobabelosko; 
40N	1	13		130	O Zorobabel sas o dat le Abuidosko; O Abiud sas o dat le  Eliakimosko; O Eliamkim sas o dat le Azorosko; 
40N	1	14		140	O Azor sas o dat le Zadocobosko; O Zadoc sas o dat le Achimosko; O Achim sas o dat le Eliudosko; 
40N	1	15		150	O Eliud sas o dat le Eleazarosko; o Eleazar sas o dat le Matthanosko; O Matthan sas o dat le Jacobosko; 
40N	1	16		160	O Jacob sas o dat le Josephosko, o rhom la mariako, kastar arakhadilo biandilo o Jesus, kai akharen 'Kristo'. 
40N	1	17		170	Sa le vitsi de katar o Abraham zhi ka o David sas desh u shtar, de katar o David zhi ka e vriama kai sas ningerde ande Babylon sas desh u shtar vitsi, ai kotsar desh u shtar zhi kai arakhadilo o Kristo.
40N	1	18		180	Eta sar arakhadilo o Jesus Kristo. E Maria leski dei sas tomnime ka Josef, numa mai anglal sar te traiin andek than, ashili phari katar e putiera le Swuntone Duxoski. 
40N	1	19		190	O Josef lako rhom sas chacho manush, ai chi manglias te kerel lake lazhav; manglia te mekel la chordanes. 
40N	1	20		200	Sar gindilaspe pa kodia, iek angelo le Devlesko avisailo leste ando suno, ai phendia leske, 'Josef, shav le Davidosko, Na dara te le la Maria sar chiri rhomni. Ke katar o Swunto Duxo ashili phari. 
40N	1	21		210	Arakhadiola lake Shav, ai desa les o anav Jesus, ke wo si kai skepila peska manushen katar lenge bezexa.'
40N	1	22		220	Sa kodia kerdilia te pherdiol so phendiasas o Del katar o profeto. 
40N	1	23		230	'E shei e bari ashela phari ai arakhadilia lake iek Shav, ai akharena lesko anav Emmanuel,' (Kodia si 'O Del amensa'). 
40N	1	24		240	Kana o Josef wushtilo andai lindri, kerdias so phendias lesko o angelo le Devlesko, ai lias la Maria rhomni. 
40N	1	25		250	Numa chi traiisarde andek than zhi kai chi arakhadilo o Shav, ai dia les o anav Jesus.
40N	2	1		260	O Jesus arakhadilo ando Bethlehem ande Judea. Pe kodia vriama o Herod sas o amperato. 
40N	2	2		270	Antunchi le manush kai jinenas le chererhaia avile anda Easto, ai aresle ande Jerusalem. Ai phushle, "Kai kodo kai arakhadilo o Amperato le Zhidovongo? Ame dikhliam leski cherarhai ando Easto, ai aviliam te preznais ai te luvudis les."
40N	2	3		280	Kana o amperato Herod ashundya pa kadia, darailo zurales, ai chi le manush kai sas ando Jerusalem lesa. 
40N	2	4		290	Chidia andek than sa le bare rasha, ai le manush kai ramon o zakono, ai phushlia le, "Kai trobulas te arakhadilo o Kristo?" Won phende leske, 
40N	2	5		300	"Ando Bethlehem ande Judea. Ke kadia si so ramosardia o profeto, 
40N	2	6		310	Ai tu Bethlehem, phuv anda Judea, chi san e mai tsigni andal gazdi andai Judea; ke tutar avela iek gazda kai avela o pastuxo murho narodoske Israel.'"
40N	2	7		320	Porme o Herod chordanes akhardia le manushen kai jinenas le chererhaia, ai phushlia lendar e vorta vriama kai sikadili e chererhai. 
40N	2	8		330	Wo tradia len ande Bethlehem ai phendia lenge, "Zhan ai roden mishto la glata; ai kana arakhena les, phenena i mange, te zhav vi me te preznaiv ai te luvudiv les."
40N	2	9		340	Kana ashunde ka o amperato, geletar. Ai e chererhai kai dikhlesas ando Easto, zhalas anglal lende, zhi pon aresle po than kai sas e glata. 
40N	2	10		350	Kana dikhle e chererhai, raduisaile zurales. 
40N	2	11		360	Kana aresle ando kher, dikhle la glata peska dasa e Maria. Thode pe ande changende ai preznaisarde ai luvudisarde les, porme phuterde penge gone, ai dine les podarki: sumnakai, frankincense ai mirrh.
40N	2	12		370	O Del phendia lenge ando suno te na zhan palpale ka Herod; anda kodia gele pa kaver drom te zhan palpale ande pengo them.
40N	2	13		380	Kana geletar le manush kai jinenas le chererhaia, iek angelo le Devlesko avisailo ka Josef ando suno, ai phendia leske, "Wushti opre, le la glata ai leska da, ai zhatar ande Egypt, besh kotse zhi kai phenava tuke te aves palpale, ke o Herod si te rodel la glata te mudarel les." 
40N	2	14		390	O Josef wushtilo, lia la glata ai leska da, ai geletar e riate ande Egypt. 
40N	2	15		400	Beshle kotse zhi kai mulo o Herod. Te kerdiol so phendiasas o Del katar o profeto. "Akhardem murhe Shaves avri andai Egypt."
40N	2	16		410	Kana o Herod haliardia ke le manush kai jinenas le chererhaia athade les, xolialo zurales. Ai tradia te mudaren sa le shavorhen kai sas ando Bethlehem ai vi avrial kai sas dui bershenge ai mai terne, pala e vriama kai sichilosas katar le manush kai jinen le chrerhaia. 
40N	2	17		420	Antunchi pherdilo so phendiasas o profeto Jeremiah. 
40N	2	18		430	"Iek glaso ashundilo ande Rama, roimos ai huhuimos. E Rachel rovelas peske shaven; ai chi manglias te pochin la, ke lake glate na mas.
40N	2	19		440	Kana o Herod mulo, ek angelo le Devlesko avisailo ando suno ka Josef ande Egypt, 
40N	2	20		450	ai phendia leske, "Wushti opre, le la glata ai leska da, ai zha palpale ande Israel, ke kodola kai rodenas te mudaren la glata mule." 
40N	2	21		460	O Josef wushtilo, lia la glata ai leska da ai gele ande Israel. 
40N	2	22		470	Numa kana ashundias ke o Archelaus ashilo amperato ande Juda ando than pesko dadesko o Herod, darailo te zhal kotse. Ai ke phendosas leske ando suno katar o Del gelo ande Galilee; 
40N	2	23		480	Gelo te beshel ando foro Nazareth, te pherdiol so sas phendo katar le profeturia,, ke si te akharen les Nazarene.
40N	3	1		490	Ande kodia vriama o Iovano o baptisto dias duma ande pusta ande Judea. 
40N	3	2		500	Ai phenelas, "Kein tume anda tumare bezexa ke e amperetsia le Devleski avel." 
40N	3	3		510	O profeto Esaia phenelas pa Iovano, kana phendia, "Ek glaso kai del mui ande pusta. Keren drom le Devleske, keren leske vorta drom!"
40N	3	4		520	Le tsalia le Iovanoske sas kerde andal bal la gemulake ai phiravelas prastia morchaki; lesko xabe sas grimptsuria ai divlo avjin. 
40N	3	5		530	O narodo avelas leste anda Jerusalem, anda sa e Judea ai anda sa o Jordan. 
40N	3	6		540	Phende peske bezexale, ai o Iovano o baptisto bolelas le ando pai kai bushol Jordan.
40N	3	7		550	Kana o Iovano dikhlia ke but Farizeanuria ai Saduseanuria avile leste te bolenpe, phendia lenge, "Tume vitsa sapeski, kon phendias tumenge ke sai skepin katar e xoli le Devleski kai si te avel? 
40N	3	8		560	Keren so sikavel ke chaches amboldian tume katar tumare bezexa te avel fruta tumendar. Ai na gindin ke vorta san kana phenen tumenge, '' Abraham si amaro dat'' ke me phenav tumenge ke o Del sai kerel anda kadala bax shave le Abrahamoske. 
40N	3	10		570	"O tover ka le vuni la krengake; ke che godi krenga chi dela lashi fruta avela shindi, ai shudini ande iag. 
40N	3	11		580	Me bolav tumen ando pai te sikadiol ke keisailian ai amboldian tume katar tumare bezexa, numa avel iek pala mande, kai si mai baro mandar; me chi mov dosta te inkerav leske papucha. Wo bolela tume ando Swunto Duxo ai iagasa. 
40N	3	12		590	Si les so trobul ai gata lo te xulavel o jiv , o jiv thola ande pesko bano ai le suluma phabarela ande iag kai shoxar chi merela."
40N	3	13		600	Antunchi o Jesus avilo anda Galilee ka pai o Jordan te belel les o Iovano. 
40N	3	14		610	O Iovano aterdiolas les ai phendia, "Me trobul te avav boldo tutar. Ai tu aves mande te bolav me tut!"
40N	3	15		620	O Jesus phendias leske, "Mek te kerdiol kadia, ke trobul te keras so godi si vorta angla Del." Antunchi o Iovano boldia les.
40N	3	16		630	Kana o Jesus boldilo, avilo opre anda pai. Ai strazo phuterdilo o cheri angla leste ai dikhlia o Duxo le Devlesko sar ek gulumbo xulelas ai avilo pe leste. 
40N	3	17		640	Ai ek glaso avilo anda rhaio, ai phendia, "kado si murho Shav kai si mange de sa drago, kasa sim de sa raduime."
40N	4	1		650	Antunchi o Jesus angerdosas katar o Swunto Duxo ande pusta te avel zumado katar o beng. 
40N	4	2		660	O Jesus zhunilas ai kana chi xalias shtarvardesh dies ai shtarvardesh racha, bokhailo. 
40N	4	3		670	O beng avilo ai phendias leske, "Te san O Shav le Devleske, phen te kerdiol anda kadala bax manrho."
40N	4	4		680	Numa o Jesus phendia, "Ramome ke o manush chi traiila ferdi katar o manrho, numa katar swako vorba kai avel anda mui le Devlesko."
40N	4	5		690	Porme o beng ingerdia les ando Swunto foro, ai thodia les ta opre pe tamplo. 
40N	4	6		700	Ai phenel leske, "Te san O Shav le Devlesko, shude tu tele, ke ramome 'O Del phenela peske angelonge te len tut pel vas, kaste te na dukhaves chi cho punrho pek bax.'"
40N	4	7		710	O Jesus phenel leske, 'Ai vi ramome, te na zumaves che Devles.'
40N	4	8		720	Antunchi o beng ingerdia les pe ek bari plai, ai sikadia leske sa le thema la lumiake, ai lengo barimos. 
40N	4	9		730	Ai phendia leske, "Dava tu sa kadala te thosa tu ande changende te preznais ai te luvudis man."
40N	4	10		740	Antunchi o Jesus phendias leske, " Zhatar Satano ke si ramome, Preznaisar ai luvudisar ferdi che Devles ai servisar ferdi les!"
40N	4	11		750	Antunchi o beng meklia les, ai le angeluria avile ka Jesus ai zhutisarde les.
40N	4	12		760	Kana o Jesus ashundia ke o Iovano sas thodino ande temnitsa, gelo palpale ande Galilee. 
40N	4	13		770	Gelotar andai Nazareth, avilo ai beshlo ande Capernaum, foro kai si pasha e maria karing o Zabulon ai Nephthalim. 
40N	4	14		780	Te pherdiol so o profet o Isaiah phendias,
40N	4	15		790	"O them Zabulon, ai o them Nephtalim, karing e maria, inchal o Jordan, e Galilee kai beshen le manush kai Nai Zhiduvuria! 
40N	4	16		800	O narodo kai traiinas ando tuniariko dikhle ek bari vediara. Kodola kai traiinas ande vushalin la martiaki, avili vediara pe lende."
40N	4	17		810	De kotar o Jesus dias duma te phenel, ambolden tume katar tumare bezexa ke e amperetsia le rhaioski pashol!"
40N	4	18		820	Sar phirelas o Jesus pasha maria Galilee, dikhlia do phralen, O Simon (akharenas les Petri) ai lesko phral, o Andres, shudenas sita ande maria ke won sas masharia. 
40N	4	19		830	O Jesus phendia lenge, "Aven mansa, ai kerava anda tumende masharia kai astaren manushen". 
40N	4	20		840	Strazo mekle penge siti, ai linepe pala leste.
40N	4	21		850	Gelo mai angle ai mai dikhlia do phralen, O James ai O Iovano, le shave le Zebedeske ando chuno sas peske dadesa, lasharenas penge siti kana o Jesus akhardia le. 
40N	4	22		860	Ai strazo mekle o chuno ai peske dades, ai linepe pala leste.
40N	4	23		870	O Jesus gelo ande sa e Galilee, ai sicharelas ande lenge synagoguria, motholas e lashi viasta pa e amperetsia le rhaioski, ai sastiarelas le manushen anda sa lengo naswalimos ai nasulimos. 
40N	4	24		880	Leski viasta geli pe sa e Syria; anda kodia andine leste sa kodolen kai sas le but fialuria naswalimos ai but fialuria dukha, kodola kai sas beng ande lende, kodolen kai zalin ai peren, ai le bangen, ai wo sastisardia le. 
40N	4	25		890	Bare naroduria andai Galilee, andai Decapolis, andai Jerusalem, andai Judea, ai inchal o Jordan lenaspe pala leste.
40N	5	1		900	O Jesus dikhlia le narodos, gelo opre pe plai, ai beshlo tele, leske disipluria avile leste, 
40N	5	2		910	Dias duma ai sichardias le, 
40N	5	3		920	"Raduime kodola kai zhanen ke nai barvale ando duxo ai ke trobul le o Del; lenge si e amperetsia le rhaioski! 
40N	5	4		930	Raduime kodola ka zhanen nekazo ke won avena pechime! 
40N	5	5		940	Raduime kodola kai si domolo andral; ke lenge si te avel e phuv! 
40N	5	6		950	Raduime kodola kai si bokhale ai trushale te aven vorta ai te keren so si vorta; ke won avena pherde. 
40N	5	7		960	Raduime kodola kai si le mila; ke won avena dine mila! 
40N	5	8		970	Raduime kodola kai si chisto ando ilo; ke won si te dikhen le Devles! 
40N	5	9		980	Raduime le pacharia kai pechina avren; won avena akharde le shave le Devleske! 
40N	5	10		990	Raduime kodola kai si chinuime ke keren so si vorta; e amperetsia le rhaioski si lenge. 
40N	5	11		1000	Raduime san kana manush stramina tut, ai chinuin tut, ai xoxaven swako fielo nasulimos pa tute, ke san murho. 
40N	5	12		1010	Raduisavo ai av veselo, ke bari pochin azhukerel tut ando rhaio, ke sakadia chinuisarde le profeton kai sas mai anglal tutar.
40N	5	13		1020	"Tume san o lon pe kadia phuv. Numa o lon te xasarela pesko skuso sar kerena anda leste pale londo? Chi mai avela kanchesko, ferdi te avel shudino avri, te phiren le manush opral. 
40N	5	14		1030	Tume san e vediara la lumiake. Iek foro pe plai nashti te avel garado. 
40N	5	15		1040	Khonik chi del iag iek lampo, ai te garavel les telai skafidi, numa thol les opral pe skafidi te del vediara savorhen kai si ando kher.
40N	5	16		1050	Kadia trobul tumari vediara te strefial anglal manush, kashte te dikhen o mishtimos kai keren , ai te luvudin tumare Dades kai si ando rhaio.
40N	5	17		1060	"Na gindin ke avilem te parhuvav o zakono vai o sicharimos le profetongo. Chi avilem te rimov le, numa avilem te pherav le. 
40N	5	18		1070	Phenav tumenge o chachimos, zhi kai godi avela o rhaio ai e phuv, chi iek vorba chi e mai tsinorhi ram, chi xasavola anda o zakono zhi kai chi avela sa kerdo. 
40N	5	19		1080	Savo godi chi kerela vorta iek andal mai tsinorhi andal zakonuria, ai sicharela avren te keren sa kadia, avela o mai tsinorho ande amperetsia le rhaioski; numa kodo kai kerela vorta o zakono ai sicharela avren te keren vorta o zakono, avela baro ande amperetsia le rhaioski. 
40N	5	20		1090	Phenav tumenge, te na avena mai vorta sar le Farizeanuria ai le Gramnoturia, chi zhana ande amperetsia le rhaioski.
40N	5	21		1100	"Tume ashundian ke sas phendo tumare phurenge, 'Te na mudares; savo godi mudarela avela anglai kris.' 
40N	5	22		1110	Numa me phenav tumenge; savo godi xoliavola pe pesko phral bi goresko si te avel anglai kris, ai kodo kai phenela peske phraleske 'Raca!' nai kanchesko si te avel anglai kris; kodo kai ankerela peske phrales 'prosto' trobul te arakhelpe ke sai zhal ande iag le iagoski. 
40N	5	23		1120	Kana anesa ka Del chi podarka ai kotse te desa tu goji ke che phrales si vari so pe tute. 
40N	5	24		1130	Mek chi podarka anglal altari, ai zha lashardiol che phrales mai anglal, antunchi haidi ai de chi podarka.
40N	5	25		1140	Pochisavo sigo kodolesa kai angerel tut pe kris, zhi kai san lesa po drom, te na angerel tut angla e kris, ai e kris te del tut ka baro te thol tu ande temnitsa. 
40N	5	26		1150	Phenav tuke o chachimos, chi anklesa kotsar zhi kai chi pochinesa swako pena."
40N	5	27		1160	"Ashundian ke sas phendo 'Na kurvisavo.' Numa me phenav tumenge: swako manush kai dikhel pe zhuvliate chorhe gindosa vuzhe kerdia lasa kurvimos ande pesko ilo. 
40N	5	29		1170	Te si chi iakh e chachi kai kerel tu te peres ando bezex, ankalav la, ai shudela tutar; ke mai mishto tuke te xasaresa iek kotor anda cho stato, ai te zhas ando rhaio sar te avel sa cho stato shudino ando iado. 
40N	5	30		1180	Te si cho vas o chacho ke kerel tu te peres ando bezex, shin les ai shude les tutar; ke mai mishto te xasares iek kotor anda cho stato sar te zhal sa cho stato ando iado."
40N	5	31		1190	"Sas phendo, 'Kudo kai dela drom peska rhomnia, trobul te del la lil ke mekel la.' 
40N	5	32		1200	Numa me phenav tumenge, kon godi mekela peska rhomnia, ai te na avela ke kurvisaile, wo kerel la te kerel bezex te mai meritila; ai kudo kai ansurilape zhuviliasa kai aver meklias vi wo kerel bezex."
40N	5	33		1210	"Ai vi mai ashundian ke sas phendo le phurenge, 'Te na phages chi solax, numa ker so shinadian angla Del ande chi solax.' 
40N	5	34		1220	Numa me phenav tumenge: te na solaxan vov si, chi po rhaio, ke kotse si o skamin le Devlesko; 
40N	5	35		1230	ai chi pe phuv, ke kotse si kai thol peske punrhe; chi pe Jerusalem, ke kodo si o foro le bare amperatosko. 
40N	5	36		1240	Na solaxa chi pe cho shero, ke nashti keres iek bal parno vai kalo. 
40N	5	37		1250	Te avela chi vorba si ferdi phen 'Si', ai te avela nai ferdi phen 'Nai', te phenesa mai but kodo avel katar o nasul iek."
40N	5	38		1260	"Tume ashundian ke sas phendo, 'Iakh anda iakhate, ai dand anda dandeste.' 
40N	5	39		1270	Numa me phenav tuke: te na potreis numa rhevdisar kodoleske kai kerel tuke nasul. Te dela tut palma pa e chachi rig le moski, ambolde chi e kolaver. 
40N	5	40		1280	Te mangela vari kon te del tut pe kris, te lel cho gat, de les vi chi raxami. 
40N	5	41		1290	Te kerela tut vari kon pe zor te zhas iek kilimetro, zha lesa dui. 
40N	5	42		1300	De ka kodo kai mangel tutar; ai na zhatar katar kodo kai mangel vunzhele tutar."
40N	5	43		1310	"Tume ashundian ke sas phendo, 'Ke trobul te avel tuke drago cho vortako, ai te vurhitsis che duzhmanon.' 
40N	5	44		1320	Numa me phenav tumenge: te avel tumenge drago tumare duzhmaia, rhugin kodolenge kai den tumen armaia, keren mishtimos kodolenge kai san lenge vurhito, ai rhugin kodolenge kai keren tumenge nasul, ai chinuin tume. 
40N	5	45		1330	Kashte te aven shave tumare Dadeske kai si ando rhaio. Ke wo kerel te wushtel o kham vi pel nasul ai vi pel lashe, kerel te del breshind pe kodola kai si vorta ai vi pe kodola kai nai vorta. 
40N	5	46		1340	Ke te avela tumenge drago ferdi kodola kai san lenge drago, che mishtimos si tume chi keren sa kadia? Le manush kai chiden e taksa. 
40N	5	47		1350	Ai te dena dies lasho ferdi tumare phralen, so keren mai but kavrendar, chi keren vi le manush kai chiden e taksa sa kadia. 
40N	5	48		1360	Anda kodia tu av bi doshako sar cho Dat, ando rhaio si bi doshako."
40N	6	1		1370	"Arakhen tume te na keren tumaro mishtimos anglal manush kaste te thon sama pe tumende. Ke te kerena anda kadia chi lena o mishtimos katar tumaro Dat kai si ando rhaio.
40N	6	2		1380	Kana des love kal chorhe, na bashav andai tuturazia ande le synagoguria ai pel droma sar keren le manush kai ankerdion so nai. Kadia keren kashte te luvudin le le manush. Me phenav tumenge o chachimos! Vuzhe line pengo mishtimos.
40N	6	3		1390	Numa tu kana des love kal chorhe, na mek te zhanel cho stingo vas, so cho chacho vas kerel. Kashte so dian te avel garado: ai cho Dat kai dikhel so keres garades, dela tut mishtimos."
40N	6	5		1400	"Kana rhugin tume, na aven sar kodola manush kai ankerdion so nai ke lengedrago te rhuginpe ande punrhende andel synagoguuria, ai andel koltsuria le dromenge, kashte te dikhen le le manush. Me phenav tumenge chachimasa! Vuzhe line pengo mishtimos. 
40N	6	6		1410	Numa tu, kana rhugis tu, zha ande chi soba, phandav o wudar, ai rhugisavo ka cho Dat kai si ando than kai chi dikhel les khonik. Ai cho Dat kai dikhel so keres kana san korkorho, dela tut so manges. 
40N	6	7		1420	Kana rhugin tume na bulguiin intaino ai butivar, sar keren le manush kai chi zhanen le Devles; Won gindin ke te rhuginape butivar iek fielo, keren te ashunel le o Del. 
40N	6	8		1430	Na keren sar lende; ke tumaro Dat kai si ando rhaio zhanel so trobul tumen mai anglal sar te mangen lestar."
40N	6	9		1440	"Anda kodia rhugin tume kadia, 'Amaro Dat kai san ando rhaio, te avel cho anav ankerdo swunto. 
40N	6	10		1450	Chi amperetsia te avel. Chi voia te kerdiol pe phuv sar ando rhaio. 
40N	6	11		1460	De amen adies amaro manrho sar swako dies. 
40N	6	12		1470	Iertisar amare bezexa, sar vi ame iertis kodolen kai keren bezexa karing amende. 
40N	6	13		1480	Na mek ame te zhas ando zumaimos, numa skepisar ame katar o nasul iek. Ke tute si e amperetsia, e putiera, ai o barimos zhi pon godi.' 'Amen'
40N	6	14		1490	"Te iertina le manushenge dosha, vi tumaro Dat kai si ando rhaio iertila tumen: 
40N	6	15		1500	Numa te na iertina le manushenge dosha, chi tumaro Dat chi iertil tumare dosha."
40N	6	16		1510	"Kana zhonin, na triston sar kodola manush kai ankerdion so nai, kai keren te sikadiol pe lenge muia te haliaren le manush ke won zhonin. Me phenav tumenge chachimasa, vuzhe line pengo mishtimos. 
40N	6	17		1520	Numa kana zhonisa, xalav cho mui, ai hulav che bal, 
40N	6	18		1530	Kashte te na sikadiol le manushenge ke zhonis, ferdi che Dadeske kai si ando than kai chi dichol ai cho Dat kai dikhel so keres, dela tu mishtimos."
40N	6	19		1540	Na chiden tumenge barvalimos pe phuv, kai moio ai rhuzhina sai rimon, ai kai le chor sai den andre ai choren. 
40N	6	20		1550	Numa chiden tumenge barvalimos ando rhaio, kai o moio ai e rhuzhina nashti rimon, ai chor nashti den andre te choren. 
40N	6	21		1560	Ke kai si cho barvalimos, kotse si te avel cho ilo.
40N	6	22		1570	O lampo le statosko si e iakh. Te si che iakha bi doshako, sa cho stato si te avel pherdo vediara. 
40N	6	23		1580	Numa te avena nasul che iakha, sa cho stato avela pherdo tuniariko. Antunchi te si e vediara ande tute tuniariko, sode de baro tuniariko!
40N	6	24		1590	Khonik nashti podail duie gazden, ke vurhitsila iekes ai avela leske drago o kaver; vai inkerela chachimasa iekesa ai avela leske sar khanchi o kolaver. Nashti podais andek than le Devles ai o mammon (Barvalimos).
40N	6	25		1600	"Eta sostar phenav tumenge: Na daran anda tumaro traio, ai phenen 'So xasa, so piiasa, sar kerasa te huriarvas amaro stato?' Pate o traio nai mai baro sar o xabe? Ai o stato nai mai baro sar le tsalia? 
40N	6	26		1610	Dikhen pel chiriklia kai hurian ando cheri: chi shuden sumuntsi, chi chiden, ai chi garaven xabe andel banuria: numa tumaro Dat kai si ando rhaio pravarel le! Chi mon tume mai but sar le chiriklia?" 
40N	6	27		1620	Savo anda tumende te nekezhila sai lunzharela pesko traio xantsi?"
40N	6	28		1630	Ai sostar nekezhin andal tsalia? Dikhen sar barion le luluja pel kimpuria; chi keren buchi, ai chi keren peske tsalia. 
40N	6	29		1640	Numa phenav tumenge, chi o Solomon, ande sa pesko barvalimos nas kadia shukar huriardo sar iek luluji. 
40N	6	30		1650	Te huriarvela O Del kadia e char kai si pel kimpuria adies, ai kai terhara avela shudini ande iag. Sode mai but huriarvela tumen, manush kai si tume xantsi pachamos? 
40N	6	31		1660	Na daran tume; ai phenen, 'So xasa? So piiasa? Ai sar huriaravas ame?' 
40N	6	32		1670	Ke kodia roden le manush kai chi zhanen le Devles, numa tumaro Dat kai si ando rhaio, zhanel ke trobul tumen sa kadala dieli. 
40N	6	33		1680	Rode mai anglal e amperetsia le Devleski, ai so si vorta angla Del; ai O Del, dela tume sa kodola dieli opral. 
40N	6	34		1690	Anda kodia na nekezhin anda terhara, ke terhara lela sama pestar, ke ande swako dies si dosta nekezo."
40N	7	1		1700	"Na shin kris, te na avel kris shinde pe tute. 
40N	7	2		1710	Ke sar shinesa kris pe kavreste kadia avela kris shindi pe tute, e musura kai musurisa kolavres kodolasa avesa tu musurime.
40N	7	3		1720	Sostar dikhes e tsipiliga ande iakh chi phraleski, ai chi dikhes o stilpo kai si ande chiri iakh. 
40N	7	4		1730	Sar sai phenes che phraleske, Mek ma te lav e tsipliga anda chiri iakh,' kana tut si stilpo ande chiri iakh? 
40N	7	5		1740	Tu manush kai ankerdios so chi san! Ankalav mai anglal o stilpo anda chiri iakh, ai porme dikhesa dosta de mishto te ankalaves e tsipliga kai si ande iakh che phraleske.
40N	7	6		1750	"Na den so si swunto kal zhukel, ai shuden tumare perli anglal bale, ke kham te vulin le telal punrhe, ai amboldenpe pe tumende te xan tume.
40N	7	7		1760	"Mangen, ai avela tume dino; roden, ai arakhena; maren, ai avela tumenge phuterdo. 
40N	7	8		1770	Ke kon godi mangela avela les, kodo kai rodel arakhela, ai kodoleske kai marel avela phuterdo.
40N	7	9		1780	Savo anda tumende del bax peske shaves te mangela lestar manrho? 
40N	7	10		1790	Vai te del  les sap, te mangela lestar masho? 
40N	7	11		1800	Tume kai san nasul, zhanen sar te den mishtimos tumare glaten. Sode mai but tumaro Dat kai si ando rhaio dela mishtimos kodolen kai mangen lestar?"
40N	7	12		1810	"Ande sako fielo keren kolavrenge so tume mangen le kolaver te keren tumenge; ke kodia si o zakono ai o sicharimos le profetonge.
40N	7	13		1820	"Zhan andre pa e tang vurota; ke bufli e vurota, ai vushoro o drom kai ingerel ando iado, ai but si kai len kodo drom. 
40N	7	14		1830	Ke e vurota tang ai o drom tang kai ingerel ka traio, ai xantsi si kai arakhen les."
40N	7	15		1840	"Arakhen tume katar le profeturia kai nai chache, kai aven tumende andel bakrenge tsalia, numa andral won si divli ruv. 
40N	7	16		1850	Tume prinzharen le katar lenge fruta. Sai chidelpe struguro pai krenga kanrhenge, vai figi pai tsignida? 
40N	7	17		1860	Swako lashi pruing del lashi fruta, numa e chori pruing del chorhi fruta. 
40N	7	18		1870	Ek lashi pruing nashti del chorhi fruta, ai chorhi pruing nashti del lashi fruta. 
40N	7	19		1880	Savi godi pruing kai chi del lashi fruta avela shindi ai shudini ande iag. 
40N	7	20		1890	Kadia tume prinzharena len kai nai chache katar lenge fruta."
40N	7	21		1900	Na swako kai phenena mange 'Devla, Devla' avena ande amperetsia le rhaioski, numa kodola kai kerena e voia murhi Dadeski kai si ando rhaio. 
40N	7	22		1910	But ande kodo dies phenena mange, 'Devla, Devla! Chi diam profesi ande chiro anav? Chi gonisardiam le bengen ande chiro anav? Ai kerdiam but mirakluria ande chiro anav? 
40N	7	23		1920	Antunchi phenava lenge, ' Shoxar, Chi zhanglem tume. Zhantar mandar, tume kai keren nasulimos!'"
40N	7	24		1930	"Anda kodia kon godi ashunela kadala vorbi kai phenav, ai kerela le, avela sar ek manush gojaver kai vazdias pesko kher pek stana baxreski. 
40N	7	25		1940	O breshind dias, le bare paia avile, e barval phurdias zurales pe kodo kher. Numa chi pelo, ke vazdino sas pe stana le baxreski. 
40N	7	26		1950	Numa kon godi kai ashunela le vorbi kai phenav, ai chi kerela le, avela sar ek manush prosto kai vazdias pesko kher pe chishai. 
40N	7	27		1960	O breshind dias, o pai o baro avilo, e barval phurdia pe kodo kher. Ai pelo zurales!"
40N	7	28		1970	Kana O Jesus getosardias so phenelas chudisailo o narodo katar lesko sicharimos. 
40N	7	29		1980	Ke wo sicharelas sar iek manush kai sas les putiera, ai na sar lenge manush kai sicharenas o zakono le Gramnturia.
40N	8	1		1990	Kana O Jesus avilo tele pai plaiing, but narodo lias pe pala leste. 
40N	8	2		2000	Ai antunchi avilo ek naswalo kai sas les leprosi, thodiape ande changende angla leste ai phendia leske, "Gazda, tu te mangesa sai vuzhares ma." 
40N	8	3		2010	O Jesus anzardias o vas, thodia o vas pe leste, ai phendia, "Mangav, av vuzho!" Ai strazo vuzhilo andai leprosi. 
40N	8	4		2020	Porme O Jesus phendia leske, "Arakh tu! Te na phenes kanikaske, numa zha sikadio kal rasha; ai de e podarka kai phendia o Moses te den, kashte te zhanen."
40N	8	5		2030	Sar avilo O Jesus ando Capernaum, ek kapitano andal Romanuria avilo leste ai manglia lesko zhutimos: ai phendia, "Gazda, murho sluga pashliol khere, bandilo ai chinuil zurales.
40N	8	7		2040	O Jesus phendia leske, "Avav te sastiarav les." 
40N	8	8		2050	Numa o kapitano phendias leske, "Gazda, chi sim dosta de lasho te aves ande murho kher. Numa phen e vorba, ai murho sluga avela sasto. 
40N	8	9		2060	Ke vi me si aver bare pe mande, ai telal murho vas si ketani. Phenav iekeske 'Zha! ai zhal; phenav avreske 'Aidi!' ai avel; ai phenav murha slugake, 'Ker kacha!' ai kerel."
40N	8	10		2070	Kana O Jesus ashundia, chudisailo, ai phendia kodolenge kai lenaspe pala leste. "O chachimos phenav tumenge, chi arakhlem kanikaste ande Israel kasavo pachamos. 
40N	8	11		2080	Phenav tumenge, ke but avena anda Easto ai anda Westo, ai beshena kai skafidi le Abrahamoski, le Isakoski ai le Jakovoski ande amperetsia le rhaioski. 
40N	8	12		2090	Numa le shave la amperetsiake avena shudine avri ando tuniariko, kotse kai roven ai kai chiden dandendar.
40N	8	13		2100	Porme O Jesus phendia le kapitanoske, "Zha, ke kerdiol tuke sar pachaian." Ai kodo chaso o sluga sastilo.
40N	8	14		2110	Kana O Jesus gelo ka Petri ando kher, dikhlia leska sakra pashliolas, ke phabolas. 
40N	8	15		2120	Azbadia lako vas, ai o zharo meklia la; wushtili ai podaisardia les. 
40N	8	16		2130	Kana peli e riat, andine ka Jesus buten kai sas beng ande lende. Wo gonisardia anda lende duxuria la vorbasa, ai sastiardia sa le naswalen. 
40N	8	17		2140	Kashte te pherdiol so sas phendo katar o profeto, o Esaia, "Wo lia amare nasulimata, ai lias pe peste amare naswalimata."
40N	8	18		2150	Kana O Jesus dikhlia le narodos pe swako rig pestar, phendia te nakhen inchal pe kolaver rig le paieske. 
40N	8	19		2160	Iek Gramnoto avilo leste, ai phendia leske, "Gazda, zhav pala tute kai godi zhasa."
40N	8	20		2170	O Jesus phendia leske, "Le foxes (miazol le ruv) si le gropi, ai le chiriklia si le kuiburia, numa O Shav le Manushesko nai les than te thol pesko shero."
40N	8	21		2180	Aver iek anda leske disipluria phendia leske, "Gazda, mek zhav mai anglal te gropov murhe dades."
40N	8	22		2190	O Jesus phendia leske, "Av tu pala mande, ai mek le mulen, te gropon penge mulen."
40N	8	23		2200	Antunchi O Jesus anklisto ando chuno, ai leske disipluria lesa. 
40N	8	24		2210	Bari barval avili pe maria, ta le talazuria vusharavenas o chuno. Numa O Jesus sovelas. 
40N	8	25		2220	Leske disipluria gele leste, wushtiade les ai phende leske, "Gazda, skepisar amen, ke xaiimaske sam!"
40N	8	26		2230	O Jesus phendia lenge, "Che xantsi pachamos si tume! Sostar daran kadia zurales?" Wushtilo ai dia mui pe barval ai pe maria, ai kerdili bari hodina. 
40N	8	27		2240	Savorhe chudisaile ai phende, "Che fielo manush kado, vi e barval ai e maria pachan lesko mui!
40N	8	28		2250	Kana O Jesus areslo pe kaver rig le paieske ando them kai bushol Gadarenes, dui manush kai sas but beng ande lende ankliste avri andal kaplitsi, ai avile karing leste. Kodola manush sas kadia de nasul te khonik nashti nakhenas pa kodo drom. 
40N	8	29		2260	Denas mui, "So manges amendar, Jesus, Shav le Devlesko? So avilian katse te chinuis ame mai anglal sar e vriama?"
40N	8	30		2270	Nas dur lendar but bale kai xanas. 
40N	8	31		2280	Le beng rhugisaile ka Jesus, phende, "Te gonisa ame avri, trade ame andel bale. 
40N	8	32		2290	O Jesus phendia lenge, 'Zhan'. Ankliste avri ai gele andel bale. Ai sa le bale shudepe pai xar ande maria ai tasule ando pai. 
40N	8	33		2300	Le manush kai lenas sama katar le bale nashle, gele ando foro, ai phende sa so kerdilia le bengailensa. 
40N	8	34		2310	Antunchi sa o narodo anda foro avile ka Jesus; kana dikhle les, rhugisaile leste te zhaltar anda lengo them.
40N	9	1		2320	O Jesus anklisto ando chuno, nakhlo inchal e maria, ai gelo ande pesko foro. 
40N	9	2		2330	Andine leste ieke manushes kai sas bango, pashliolas po than. O Jesus dikhlia lengo pachamos, ai phendias le bangeske, "Raduisavo, murho shav! Che bezexa iertime le."
40N	9	3		2340	Antunchi le Gramnoturia phenenas peske, "Sar sai kado manush tromal te lel o than le Devlesko, ke ferdi O Del sai iertil le bezexa!"
40N	9	4		2350	O Jesus zhanglia lenge ginduria ai phendia, "Sostar si tume kasave chorhe ginduria ande tumaro ilo? 
40N	9	5		2360	So si mai vushoro te phenes, 'Che bezexa iertime,' vai 'Wushti opre ai phir?" 
40N	9	6		2370	Numa te zhanen ke ka O Shav le Manushesko si e putiera pe phuv te iertil le bezexa." Antunchi phendia le bangeske, ' Wushti, le cho than, ai zha khere!' 
40N	9	7		2380	O manush wushtilo ai gelotar khere. 
40N	9	8		2390	Kana o narodo dikhlia kodia, daraile, chudisaile, ai luvudinas le Devles kai dias kasavi putiera ka o manush.
40N	9	9		2400	O Jesus gelotar kotsar, ai dikhlia ieke manushes kai busholas Mate, beshelas tele kai skafidi kai pochinenas e taksa le themeske. Ai phendia leske, "Av pala mande." Wo wushtilo ai liape pala leste.
40N	9	10		2410	Kana O Jesus xalas ande lesko kher, but manush kai chiden e taksa, ai le bezexale avile te beshen kai skafidi lesa ai leske disiplonsa. 
40N	9	11		2420	Le Farizeanuria dikhle kodia ai phushle leske disiplon, "Sostar tumaro gazda xal le manushensa kai chiden e taksa ai kodolensa kai si bezexale?"
40N	9	12		2430	O Jesus ashundia ai phendia lenge, "Le manush kai si saste chi trobul le dokxtoro, le naswalen trobul. 
40N	9	13		2440	Zhan ai sichon te haliaren, me mangav mila te den iekavres, ai na sakrifis, ke chi avilem te akharav kodolen kai gindinpe vorta angla Del, numa le bezexalen."
40N	9	14		2450	Le disipluria le Iovanoske o baptisto avile ka Jesus, ai phushle lestar, "Sostar ame ai le Farizeanuria zhonis butivar, numa chire disipluria chi zhonin?" 
40N	9	15		2460	O Jesus phendia lenge, "Sar sai zhelin le manush kai si akharde ka abiav, kana o manush kai ansurilpe lensa le? Numa avela e vriama kai o manush kai ansurilpe avela lino lendar, antunchi zhonina.
40N	9	16		2470	Khonik chi thol nevo kotor poxtan te lasharel phurane tsalia, ke o nevo kotor tsigniol, ai kerdiolpe mai nasul o shinimos. 
40N	9	17		2480	Le manush chi thon nevi mol andel phurane morchia moliake, ke le morchia pharhadion, ai e mol shordiol, ai le morchia rimonpe. Numa thon e nevi mol andel morchia, kadia chi e mol ai chi le morchia chi rimonpe."
40N	9	18		2490	Sar O Jesus phenelas lenge kadala vorbi, iek baro andai synagogue avilo ai thodiape ande changende angla leste, ai phendias, " Numa so muli murhi shei; haidi tho cho vas pe late, ai woi traiila." 
40N	9	19		2500	O Jesus wushtilo, ai gelo pala leste, peske disiplonsa. 
40N	9	20		2510	Antunchi, iek naswali zhuvli, kai xasarelas rat de desh u dui bersh, avili palal pala leste, ai azbadia e tivala leska raxamaki. 
40N	9	21		2520	Woi phenelas peske, "Numa te sai azbava leske tsalia, avava sasti." 
40N	9	22		2530	O Jesus amboldiape, dikhlia la, ai phendia, "Raduisavo murhi shei! Ke cho pachamos sastiardia tu." Ai ande kodo chaso sastili.
40N	9	23		2540	Kana O Jesus areslo ka kher le baresko andai synagogue. Dikhlia le musikanton, ai baro narodo buntuime, but mui kerenas. 
40N	9	24		2550	Wo phendias lenge, "Zhantar ke e sheiorhi nai muli, numa sovel!" Won asaie lestar. 
40N	9	25		2560	Kana gonisardia le narodos, gelo ando kher, lia la vastestar, ai e shovorhi wushtili. 
40N	9	26		2570	Kodia viasta geli ande sa kodo them.
40N	9	27		2580	Sar zhalastar O Jesus, dui korhe linepe palal leste ai tsipinas, "Al tuke mila anda amende, Shav le Davidosko."
40N	9	28		2590	Kana O Jesus areslo ando kher, le korhe avile leste, O Jesus phushlia le, "Pachan tume ke sai kerav kodia?" "Sai, Gazda," Won phende leske. 
40N	9	29		2600	Antunchi azbadia lenge iakha ai phendia, "Te kerdiol tumenge, so pachaian!" 
40N	9	30		2610	Ai lenge iakha phuterdile. O Jesus phendia lenge, "Len tume sama, te na zhanel khonik!" 
40N	9	31		2620	Numa kana geletar, phende e viasta pe leste pe sa kodo them.
40N	9	32		2630	Kana won zhanastar, andine leste ieke manushes kai nashti delas duma ke sas beng ande leste. 
40N	9	33		2640	Kana o beng gonime anda leste, o muto dia duma. Sa o narodo chudisaile, ai phenenas, 'Shoxar chi dikhliam kadia ande Israel!"
40N	9	34		2650	Numa le Farizeanuria phenenas, "O baro le bengengo del les e putiera te gonil le bengen." 
40N	9	35		2660	O Jesus gelo anda sa le foruria ai anda sa le gava, ai sicharelas ande lenge synagoguria, delas duma e lashi viasta pa e amperetsia, ai sastiarelas sa le naswalimata ai sa o nasulipe. 
40N	9	36		2670	Kana wo dikhlia o narodo bari mila lia les anda lende, ke chinuinas nekezhime sas, ai nashti zhutinaspe, sar bakriorhe kai nai le pastuxo. 
40N	9	37		2680	Antunchi phendias peske disiplonge, "But jiv si te chidelpe, numa xantsi bucharia si. 
40N	9	38		2690	Rhugin tume ka o gazda le chidimasko te tradel bucharia ande pesko chidimos.
40N	10	1		2700	O Jesus akhardia peste, peske desh u do disiplon, ai dia le putiera pe le bi vuzhe duxuria, kaste te sai gonin le avri, ai te sastiaren sa le naswalimata ai sa o nasulipe.
40N	10	2		2710	Eta le anava le desh u do apostlonge: pervo O Simon (akhardo sas Petri) ai lesko phral o Andre; o James ai lesko phral o Iovano, shave le Zebedoske; 
40N	10	3		2720	o Philip ai o Bartholomew; o Thomas ai o Mate kai chidelas e taksa; o James o shav le Alphaeusosko, ai o Lebbaeus (akhardo sas Thaddaeus): 
40N	10	4		2730	O Simon o Canaanite, ai o Judas Iscariot, kai dia le Kristos andel vas leske duzhmanonge.
40N	10	5		2740	Kadala desh u dui Wo tradias angle ai phendias lenge: "Na zhan mashkar le Nai Zhiduvuria, ai na zhan andel foruria kai si le Samaritanuria. 
40N	10	6		2750	Zhan , mai bini ka le xasarde bakriorhe, o narodo Israel. 
40N	10	7		2760	Sar zhan, den duma pa Del ai phenen, 'E amperetsia le rhaioski pashili!' 
40N	10	8		2770	Sastiaren le naswalen, zhuvindin le mulen, vuzharen le lepra, gonin avri le bengen. Tume lian ivia, ivia den. 
40N	10	9		2780	Na len tumensa sumnakai, vai rup, chi xarkune ande tumare chisa; 
40N	10	10		2790	Na len chisi dromeske, vai dui gada, vai papucha, vai rovli, ke o manush kai kerel buchi mol te den les leske pochin.
40N	10	11		2800	Ande fersavo foro vai gav kai arasena, phushen kon si lasho manush, ai beshen ka leske kher zhi kai tume zhanatar kotsar. 
40N	10	12		2810	Kana zhana ando kher phenen, "E pacha te avel tumensa."
40N	10	13		2820	Kodola manush te primin tumen sar trobul, tumare pacha te avel pe lende, numa te na primin tumen sar trobul te amboldel tumare pacha palpale. 
40N	10	14		2830	Te na primina tumen sar trobul vai te na ashunena tumende, kana zhantar anda kodo kher vai foro, chinon e pulburia pa tumare punrhe. 
40N	10	15		2840	Phenav tumenge o chachimos, mai vushoro avela le narodoske anda Sodom ai andai Gomorrah po dies la krisako, de sar kodole foroske!
40N	10	16		2850	Dikhen! Me tradav tume sar bakriorhe mashkar le ruv. Aven gojaver ai arakhen tume sar le sap, ai aven domolo sar le gulumburia.
40N	10	17		2860	Arakhen tume katar le manush, ke angerena tumen pe kris, ai marena tumen bichonsa ande penge synagoguria. 
40N	10	18		2870	Angerena tume angla le bare le foroske ai anglal amperatsi mange, te aven marturo angla lende ai sa le Nai Zhiduvuria. 
40N	10	19		2880	Numa kana lena tumen, na xal tume briga sar phenena vai so phenena, ke avela tume dino ando kodo chaso, so trobula te mothon. 
40N	10	20		2890	Ke chi dena tume duma, numa O Swunto Duxo tumare Dadesko dela duma tumendar.
40N	10	21		2900	O phral purhila peske phrales te mudaren les, ai o dat purhila peska glata; le glate xoliavona pe pengo dat, ai pengi dei ai kerena te mudaren le. 
40N	10	22		2910	Sa le manush vurhitsina tumen pala mande. Numa kodo kai rhevdila ai inkerela zhando gor, avela skepime. 
40N	10	23		2920	Kana chinuina tumen andek foro, zhan ande aver. Phenav tumenge o chachimos, chi aresena te zhan ande sa le foruria ande Israel, mai anglal sar O Shav le Manushesko te avel.
40N	10	24		2930	Chi iek kai sichol nai mai baro sar kodo kai sicharel les, ai chi iek sluga nai mai bari sar pesko gazda. 
40N	10	25		2940	Dosta kodoleske kai sichol te kerdiol sar kodo kai sicharel les, ai e sluga te kerdiol sar pesko gazda. Ai won te akharena le gazdas le kheresko, Beelzebub, sode mai but akharena le manushen kai beshen ande lesko kher!
40N	10	26		2950	Anda kodia na daran lendar. Ke nai khanchi wusharado kai chi avela sikado; ai nai khanchi garado kai chi avela zhanglo. 
40N	10	27		2960	So phenava tuke ando tuniariko tu phen adiese; ai so ashunes phendo tuke ando khan, phen pal khera opral. 
40N	10	28		2970	Na daran katar kodola kai sai mudaren o stato numa nashti mudaren o duxo; mai bini daran katar O Del, kai sai mudarel o duxo ai o stato ando iado. 
40N	10	29		2980	Nai bichinde dui chiriklia pe iek pena; numa chi iek anda lende chi perel pe phuv bi te zhanel cho Dat. 
40N	10	30		2990	Ai vi le bal ande tumaro shero sa jindo le. 
40N	10	31		3000	Anda kodia na dara, ke tu mos mai but sar but chiriklia!" 
40N	10	32		3010	Kon godi mothola ke si murho anglal manush, i me phenava ke si murho angla murho Dat kai si ando rhaio. 
40N	10	33		3020	Numa kon godi mothola ke nai murho anglal manush, vi me mothava ke nai murho angla murho Dat kai si ando rhaio.
40N	10	34		3030	Na gindin ke avilem te anav pacha pe phuv, chi avilem te anav pacha, numa e sabia. 
40N	10	35		3040	Ke avilem te hulavav le shaves katar o dat, la sha katar e dei, ai e bori katar e sakra; 
40N	10	36		3050	Le manusheske duzhmaia avena kodola kai si ande lesko kher.
40N	10	37		3060	Kon godi si leske mai drago lesko dat vai leski dei mai but sar me chi mol dosta te avel pala mande; kon godi si leske mai drago lesko shav vai leski shei mai but sar me chi mol dosta te avel pala mande. 
40N	10	38		3070	Kodo kai chi lel pesko trushul ai te lelpe pala mande, chi mol dosta te achel pala mande. 
40N	10	39		3080	Kodo kai arakhela pesko traio xasarela les; numa kodo kai xasarela pesko traio pala mande arakhela les.
40N	10	40		3090	O manush kai primil tumen primil man; ai o manush kai primil man primil kodoles kai tradia man. 
40N	10	41		3100	Kodo kai primila profeto ke si profeto lela o mishtimos kai avel ka profeto, kon godi primila chache manushes ke si chacho manush lela o mishtimos kai avel ka chacho manush." 
40N	10	42		3110	Ai te dela vare kon ek daxtai shudro pai kai iek anda kadala tsinorhe ke si murho disipluria. Me phenava tuke chachimos, chi xasarel pesko mishtimos."
40N	11	1		3120	Kana O Jesus getosardia te phenel so te keren leske desh u dui disipluria, gelotar kotsar te sicharel ai te del duma pa Del ande lenge foruria.
40N	11	2		3130	Kana o Iovano o baptisto ande temnitsa ashundia so kerelas O Kristo, tradia divano pe peske disipluria. 
40N	11	3		3140	Te phushen lestar, "Tu san kodo kai trobulas te avel, vai trobul te azhukeras avres?"
40N	11	4		3150	O Jesus phendia lenge, 'Zhan ai phenen le Iovanoske, so ashunen ai so dikhen; 
40N	11	5		3160	Le korhe dikhen, le bange phiren, le lepri vuzhon, le kashuke ashunen, le mule zhuvindin, ai e lashi viasta phendila le chorenge. 
40N	11	6		3170	Raduime kodo kai haliarel kon sim ai chaches pachalpe ande mande!"
40N	11	7		3180	Ai sar zhanastar, O Jesus dias duma le narodosa pa Iovano, "So gelian te dikhen ande pusta? E treshtia kai mishkilas katar e barval? 
40N	11	8		3190	So gelian te dikhen? Iek manush huriardo andel shukar tsalia? Kodola kai phiraven shukar tsalia beshen andel khera amperatonge! 
40N	11	9		3200	So gelian te dikhen? Ek profeto? E, me phenav tumenge, "Ke wo si mai but sar profeto. 
40N	11	10		3210	Ke kodo si kai si ramome pa leste: 'Tradava murho podaitori mai anglal tutar te getol o drom angla tute."
40N	11	11		3220	Phenav tumenge o chachimos! "Mashkar manush kai arakhadile zhuvliatar chi vazdinesailo khonik mai baro sar o Iovano o baptisto. Numa kodo kai si mai xantsi ande amperetsia le rhaioski si mai baro lestar. 
40N	11	12		3230	De katar o dies kai o Iovano o baptisto delas duma pa Del ai zhi akana e amperetsia le rhaioski chinuil ke pe zor kerdiol ai manush pe zor len e amperatsi. 
40N	11	13		3240	Ke sa le profeturia ai o zakono le Mosesoske dine profesi zhi ka o Iovano; 
40N	11	14		3250	Ai te mangena te primin, wo si o Elijah, kai sas te avel. 
40N	11	15		3260	Kodo kai si les khan te ashunel. Mek te ashunel!
40N	11	16		3270	"Pe soste sai phenav ke miazol kadia vitsa. Miazol sar glate, kai beshen ando bazari, ai phenen le kolavrenge.
40N	11	17		3280	'Jilabadiam tumenge abiaveske jilia, ai tume chi kheldian! 'Jilabadiam tristo jili, ai tume chi nekezhisardian!' 
40N	11	18		3290	O Iovano avilo, chi xalia ai chi pelia, ai won phende leske, 'dzilolo, bengailo!' O Shav le Manushesko avilo, xalas ai pelas, ai won phende, 
40N	11	19		3300	O Shav le Manushesko xal but ai macharno lo, vortako lo manushensa kai chiden e taksa ai bezexalensa!' Numa lesko chachimos sikadiola pala e buchi kai kerdias."
40N	11	20		3310	Antunchi O Jesus doshardias le foruria kai kerdias mirakluria ande lende, ke chi keisaile. 
40N	11	21		3320	"Nasul tuke Chorazin! Nasul tuke Bethsaida! Ke te avino le mirakluria kerde ande Tire ai Sidon, kai sas kerde tumende, dumult kamas te phiraven tsalia goneske, ai te thon wushar pe peste, te sikaven ke keisaile!" 
40N	11	22		3330	Numa me phenav tumenge, "Po dies la krisako mai vushoro avela lenge e Tire ai Sidon sar tumenge!" 
40N	11	23		3340	"Ai tu, Capernaum! Avesa vazdini zhi ka rhaio? Nichi, ta tele si te zhas ta ando iado! Ke te avino le mirakluria kerde ando Sodom, kai sas kerde tute, sas te avel o Sodom zhi adies!" 
40N	11	24		3350	Numa me phenav tuke, "Ke mai vushoro avela le themeske Sodom po dies la krisako de sar tuke!"
40N	11	25		3360	Ande kodia vriama O Jesus phendia, "Naisiv tuke, murho Dat gazda le rhaiosko ai la phuviako! Ke meklian te haliaren kodola kai si sar glate ai na kodola kai gindinpe gojaver ai le studento. 
40N	11	26		3370	Anda kodia, murho Dat, naisiv tuke ke chi voia sas te kerdiol kadia.
40N	11	27		3380	"Swako fielo thodias ando murho vas murho Dat. Ai khonik chi zhanel le Shaves ferdi O Dat, ai khonik chi zhanel le Dades ferdi O Shav, ai kon godi halol O Shav te mekel te zhanen le Dades.
40N	11	28		3390	"Aven mande, sa tume kai san chinuime ai kai si baro pharipe pe tumende, ai dav tume hodina. 
40N	11	29		3400	Le murhe ioke pe tute ai sicho mandar ke domolo sim ai kovlo ando ilo, ai si te arakhen hodina tumare duxoske. 
40N	11	30		3410	Ke murhi ioke nai trutno ai murho pharipe vushoro.
40N	12	1		3420	Ande kodia vriama po Sabat O Jesus nakhlia pa ek niva kai bariolas jiv, leske disipluria bokhaile, line anda jiv ai xale. 
40N	12	2		3430	Kana le Farizeanuria dikhle kodia, phende leske, "Dikh, che disipluria keren so nai slobodo te keren po Sabat!"
40N	12	3		3440	Wo phendia lenge, 'Chi jindian so kerdia o David kana bokhailo? 
40N	12	4		3450	Wo ai le manush, kai sas lesa. Sar gelo ando kher le Devlesko, ai xalias andal desh u dui halome manrhe kai nas leske slobodo, te xal, vai kodolenge kai sas lesa, numa le rashange. 
40N	12	5		3460	Vai chi jindian andel zakonuria ke le rasha kai keren buchi ande tamplo po Sabat phagen o zakono, ai nai doshale?" 
40N	12	6		3470	Phenav tumenge, "Si iek katse mai baro sar e tamplo. 
40N	12	7		3480	Numa te haliardianas so si o divano, 'Mila me mangav te den, ai na sakrifis.' Antunchi chi doshardianas kodolen kai nai doshale. 
40N	12	8		3490	Ke O Shav le Manushesko si gazda chi po Sabat."
40N	12	9		3500	Antunchi gelotar kotsar ai gelo ande lenge synagogue. 
40N	12	10		3510	Kotse sas iek manush kai sas les vas bango phushle katar O Jesus, "Slobodo te sastiarelpe po Sabat?"
40N	12	11		3520	Kashte te sai dosharen les. Wo phendia lenge, "Savo anda tumende te si les iek bakro, ai te perela ande hunia po Sabat, chi zhal te ankalavel les avri? 
40N	12	12		3530	Sode mai but mol manush sar bakro? Anda kodia slobodo te kerelpe mishtimos po Sabat.
40N	12	13		3540	Antunchi phendias le manusheske, "Lunzhar cho vas." Wo lunzhardia pesko vas ai sasto sas sar o kolaver. 
40N	12	14		3550	Le Farizeanuria geletar ai dinepe duma sar te mudaren les.
40N	12	15		3560	O Jesus zhanglias, ai gelotar kotsar, but manush linepe pala leste, ai sastiardia le sa. 
40N	12	16		3570	Ai phendias lenge te na mothon kon si wo ai so kerdias. 
40N	12	17		3580	Te kerdiolpe sar phendiasas o profeto Isaiah. 
40N	12	18		3590	"Eta, murhi sluga. kai halosardem, kado kai si mange drago, ande kado murho duxo raduilpe. Thava murho duxo pe leste, ai phenela ai sikavela chachi kris ka sa le manush. 
40N	12	19		3600	Chi xalpe ai chi tsipila, chi ashundiola lesko glaso pel vulitsa. 
40N	12	20		3610	Ci phagela e treshtia kai si bangi, ai chi mudarela e fishtila le lamposki kai si makar thuv, zhi kai chi nirila o chachimos le Devlesko. 
40N	12	21		3620	Ai ande lesko anav sa le manush wuzdinape."
40N	12	22		3630	Antunchi andine ka Jesus iek manush kai sas korho ai muto ke sas beng ande leste. O Jesus sastiardia kodole manushes, ta dias duma ai vi dikhlias. 
40N	12	23		3640	Sa o narodo chudisaile, ai phenenas, "Sai avela kado o Shav le Davidosko?"
40N	12	24		3650	Numa kana le Farizeanuria ashunde so kerdias phende, "Kado manush gonil le bengen ke o baro le bengengo, o Beelzebub del les e putiera."
40N	12	25		3660	O Jesus zhanelas lenge ginduria, ai phendias lenge, "Swako amperetsia kai si xulade pe peste si te xaiil, swako foro vai familia kai si xulade pe peste chi ashena. 
40N	12	26		3670	Teala o beng gonil le bengen, won si xulade pe peste. Sar rhivdila ai ashela leski amperetisa? 
40N	12	27		3680	Te goniva me le bengen katar e putiera kai o Beelzebub del tumare shave. Katar len won e putiera te gonin le bengen? Anda kodia won si te shinen tumari kris! 
40N	12	28		3690	Numa te goniva me le bengen katar O Swunto Duxo e putiera le Devleski, antunchi e amperetsia le Devleski avili pe tumende. 
40N	12	29		3700	Vai sar sai del vari kon ando kher zurale manushesko ai te lel so si lesko, bi te phandel le zurale manushes ai antunchi te lel so si lesko.
40N	12	30		3710	Kodo kai nai pe murhi rig chi zhutil ma, numa kerel nasul karing mande; ai kodo kai chi chidel mansa xulavel." 
40N	12	31		3720	Anda kodia phenav tumenge: "Vari savo bezex vai kai den duma nasul le manush sai iertilpe; numa kon dela duma nasul pe Swunto Duxo shoxar chi avela iertime. 
40N	12	32		3730	Ai kon godi dela duma nasul karing O Shav le Manushesko sai iertilape; numa kon godi dela duma nasul karing O Swunto Duxo chi avela iertime. Chi ande kadia lumia vai e lumia kai si te avel."
40N	12	33		3740	Halon te keren e pruing lashi ai e fruta lashi; vai halon te keren e pruing chorhi ai e fruta chorhi ke e pruing prinzhardiol katar peski fruta. 
40N	12	34		3750	Tume vitsa sapenge, sar sai den duma lashimos, kana san nasul? Ke so ilo si pherdo, kodia del duma o mui. 
40N	12	35		3760	Lasho manushesko divano sikavel o barvalimos kai si ande leste, ai manush kai si les nasul ilo pherdo nasulimos lo, ai lesko divano sikavel kodia. 
40N	12	36		3770	Phenav tumenge, "Le manush trobuna te den atweto po dies kai shindiolpe e kris anda swako vorba kai phende intaino. 
40N	12	37		3780	Ke pala chire vorbi avesa jindo chacho, vai pala chire vorbi avesa jindo doshalo."
40N	12	38		3790	Antunchi uni andal Gramnoturia ai Farizeanuria dine les atweto ai phende leske, "Gazda, mangas te dikhas semno tutar." 
40N	12	39		3800	O Jesus phendias lenge, ferdi ek vitsa kai si nasul ai kai nai chachimasa le Devlesa mangen semno, numa chi iek chi avela dino, ferdi so kerdiliape ka profeto o Jonah. 
40N	12	40		3810	Ke sar o Jonah sas ando ji le bare mashesko trin jes ai trin racha, kadia o Shav le manushesko si te avel ando mashkar la phuviako trin jes ai trin racha. 
40N	12	41		3820	Le manush andai Ninevah si te wushten kadala vitsasa kai kris te dosharen len. Ke kana o Jonah dias duma pa Del lenge, won keisaile, ai akana iek mai baro katar o Jonah si katse! 
40N	12	42		3830	E amperetsasa andai Sheba si te wushtel kadala vitsasa kai kris te dosharel len. Woi avili dural te ashunel ka Soloman ke de sa gojaver sas ai akana si iek mai baro katar o Solomon katse!
40N	12	43		3840	Kana o bi vuzho duxo zhaltar anda o manush zhal ando pusta te rodel than te hodinil ai chi arakhel. 
40N	12	44		3850	Antunchi mothol, "Amboldav palpale katar avilem" Antunchi amboldel palpale ai arakhel le manushesko ilo vuzho numa nango. 
40N	12	45		3860	Antunchi o bi vuzho duxo arakhel efta aver duxuria mai nasul lestar, ai sa zhan te traiin ande kudo manush. Antunchi mai nasul leske de sar mai anglal. Sa kadia si te avel kadala nasul vitsaka.
40N	12	46		3870	Sar O Jesus delas duma le narodosa leske dei ai leske phral avri sas, ai mangenas te den duma lesa. 
40N	12	47		3880	Vari kon phendia leske, Chi dei ai che phral avri, ai mangen te den duma tusa."
40N	12	48		3890	O Jesus phendias leske, "Kon si murhi dei? Ai kon si murhe phral?" 
40N	12	49		3900	Anzhardias pesko vas karing peske disipluria ai phendias, 'Eta! Murhi dei ai murhe phral! 
40N	12	50		3910	Ke kon godi kerel e voia murho Dadeske kai si ando rhaio, si murho phral, murhi phei, ai murhi dei."
40N	13	1		3920	Sa kodo dies O Jesus anklisto avri anda kher, ai gelo te beshel pasha maria. 
40N	13	2		3930	Kadia de but narodo chidinisailo kruglom lestar te anklisto ando chuno ai beshlo tele. Ai o narodo beshelas po berego. 
40N	13	3		3940	Phenelas lenge paramichi pa but dieli, ai phendias lenge, "Iek manush gelo te shudel sumuntsi pe phuv. 
40N	13	4		3950	Ai sar shudelas le sumuntsi pe phuv, uni pele pasha drom, ai le chiriklia avile ai xale le. 
40N	13	5		3960	Uni pele po than kai sas bax, kai nas but phuv. Le sumuntsi barile sigo ka nas but phuv. 
40N	13	6		3970	Numa kana anklisto o kham, phabardia le, ke nas vuni shuchile. 
40N	13	7		3980	Aver pele mashkar le kanrhe, kodola kanrhe barile ai tasade le. 
40N	13	8		3990	Numa aver pele pe lashi phuv, ai dine fruta: uni dine iek shel, aver shovardesh ai aver trenda." 
40N	13	9		4000	"Kudo kai si les khan te ashunel, mek te ashunel!"
40N	13	10		4010	Antunchi le disipluria avile ai phende leske, "Sostar des duma lensa andel paramichi?" 
40N	13	11		4020	O Jesus phendia lenge, "Ke tumenge sas shinado te zhanen so si garado pa e amperetsia le Devleski, num lenge nas dino. 
40N	13	12		4030	Kaste godi si leste si te avel dino mai but, ai avela les but opral: numa kaste godi nai vi so si les, si te avel lino lestar. 
40N	13	13		4040	Sa anda kodia dav duma lensa andel paramichi, dikhen numa chi dichol lenge, ashunen numa chi ashundiol lenge, ai chi haliaren. 
40N	13	14		4050	Ai lenge pherdili e profesi katar o Isaiah. Wo phendia, 'Ashunena mishto, numa tume chi haliaren; dikhena mishto, numa chi dichola tumenge. 
40N	13	15		4060	Ke o ilo kodole manushengo zurailo, ai le khanensa dabai ashunen, phandade penge iakha. Daratar ke kam te dikhen le iakhensa, ai ashunen le khanensa, ai haliaren peske ilesa, ai ambolden palpale ka Del, te sastiarav le." 
40N	13	16		4070	Numa raduime tumare iakha ke dikhen, ai tumare khan ke ashunen. 
40N	13	17		4080	Chaches phenav tumenge, but profeturia ai chache manush roden te dikhen so tume dikhen, ai chi dikhle, ai te ashunen so tume ashunen, numa chi ashunde.
40N	13	18		4090	"Ashunen e paramichi pa manush kai shudel le sumuntsi. 
40N	13	19		4100	Kana vari kon ashunel e vorba pa e amperetsia le Devleski, ai chi haliarel, o bi vuzho avel ai ankalavel so sas thodino ando ilo le manushesko. Kadia si e sumuntsa kai peli pasha drom. 
40N	13	20		4110	E sumuntsa kai sas shudini pe phuv kai sas bax, si sar ek manush kai ashunel e vorba ai andak data lel e vorba ai veselimelo; 
40N	13	21		4120	Numa chi gelo divano dur ande lesko ilo ai nas katar te ankerdiol, rhivdil xantsi vriama, ke kana avel zumaimos pe leste vai dosharen les manush vai maren mui lestar ke ashundias e vorba ai pachaias, antunchi leske dragostia xantsol duriol ai mekelpe. 
40N	13	22		4130	E sumuntsa kai sas shudini mashkar le kanrhe si sar ek manush kai ashundia e vorba le Devleski, numa ande lesko ilo si le ginduria, o pharipe, o nekazo le traiosko ande kadia lumia, ai o dziliarimos barvalimasko, kadala tasaven e vorba le Devleski, ai nashti del fruta. 
40N	13	23		4140	E sumuntsa kai sas shudini pe lashi phuv si sar ek manush kai ashunel e vorba le Devleski ai haliarel la. Arakhadiol fruta ande leste ai kotsar avel mai but katar uni iek shel, katar uni shovardesh, ai katar uni trenda.
40N	13	24		4150	O Jesus phendias lenge aver paramichi, "E amperetsia le rhaioski si sar iek manush kai thodias lashe sumuntsi ande peski niva. 
40N	13	25		4160	Numa zhi kai le manush sovenas, lengo duzhmano avilo ai thodias rherto (chorhi sumuntsa) mashkar o jiv ai gelotar. 
40N	13	26		4170	Kana o jiv barilo ai dia fruta, vi o rherto dichilo.
40N	13	27		4180	Le slugi le gazdaske avile leste ai phende, 'Raia, chi thodian tu lashi sumuntsa ande chi niva? Katar avilo o rherto?" 
40N	13	28		4190	Wo phendias lenge, 'O duzhmano kerdia kodia,' le slugi phushle les, 'Mangas te tsirdas le avri?' 
40N	13	29		4200	'Te na' phendia lenge, 'Ke kana tsirdena o rherto avri kam ankalaven vi o jiv. 
40N	13	30		4210	Meken te barion vi le dui andek than, zhi kai vriama kai trobul te chidas o jiv, antunchi phenava kodolenge kai chiden o jiv, pervo chiden o rherto, phanden le andek than te phabaren le, numa o jiv chiden ande murho bano.
40N	13	31		4220	O Jesus phendias lenge aver paramichi, 'E amperetsia le rhaioski si sar sumuntsa garchitsaki. Kai manush thodias ande peski niva. 
40N	13	32		4230	Makar ke si e mai tsinorhi andal sumuntsi, kana bariol si mai bari andal patria, ai kerdiol krenga, ta le chiriklia anda cheri aven ta beshen ande krenga.
40N	13	33		4240	Mai phendias lenge aver paramicha, "E amperetsia le rhaioski si sar e drozhda. Kai zhuvli lias ai thodias ande trin musuri arho, ta puchilo sa o arho."
40N	13	34		4250	O Jesus dias le narodos kado sicharimos andel paramichi; ai chi phendias lenge khanchi bi te mothol lenge paramichi. 
40N	13	35		4260	Kadia pherdilo so phendias o profeto, "Phutrav murho mui te dav duma andel paramichi, si te mothav so sas garado de sar kerdili e lumia."
40N	13	36		4270	Antunchi meklia le narodos ai gelo ando kher. Leske disipluria avile leste ai phende, 'Sikav ame te haliaras e paramichi pa rherto ande niva.' 
40N	13	37		4280	Dias atweto ai phendias lenge, "Kodo kai shudel e lashi sumuntsa si O Shav le manushesko; 
40N	13	38		4290	E niva si e lumia; ai e lashi sumuntsa si le shave la amperetsiake, o rherto si le shave le bi vuzheske; 
40N	13	39		4300	ai o duzhmano kai thodia o rherto si o beng: o jiv chidelape kana getolape e vriama, le manush kai chiden o jiv si le angeluria.
40N	13	40		4310	Sar o rherto si chidino ai phabarde ande iag; kadia avela kana getolape e vriama. 
40N	13	41		4320	O Shav le Manushesko tradela peske angelon, te ankalaven avri anda leski amperetsia so godi kerel le manushen te keren bezex, ai kodolen kai keren nasulimos. 
40N	13	42		4330	Shudena le ando bov kai si dino iag, kotse rovena ai chidena dandendar. 
40N	13	43		4340	Antunchi le chache manush strefiana sar o kham ande amperetsia peske Dadeske. Kodo kai si les khan, mek te ashunel!"
40N	13	44		4350	"E amperetsia le rhaioski si sar iek manjin garado ando kimpo. Kai o manush arakhlias, garadias les pale, raduisailo, gelo ai bichindias so godi sas les, ai chindias o kimpo."
40N	13	45		4360	"Magdata e amperetsia le rhaioski si sar iek manush kai chinel ai bichinel, kai rodel shukar perli. Kana arakhlias iek perla kai mol but gelo ai bichindias so godi sas les, ai chindia la."
40N	13	47		4370	"Magdata e amperetsia le rhaioski si sar iek sita kai si shudini ande maria, ai astarel but fieluria masho. 
40N	13	48		4380	Kana sas pherdi le masharia tsirde la zhi po berego, beshlo tele, ai chide le lashe mashe andel kozhnitsi ai le chorhe shuden. 
40N	13	49		4390	Kadia si te avel kana getolape e vriama, le angeluria si te aven ai te hulaven le nasul katar le chache. 
40N	13	50		4400	Ai shuden le ando bov kai si dino iag, kotse rovena ai chiden dandendar."
40N	13	51		4410	"Haliardian swako fielo?" O Jesus phushlia lendar, won phende leske, "Haliardiam."
40N	13	52		4420	Phendias lenge, anda kodia swako Gramnoto kai zhanela ai sikavela o zakono kai sas sikado pai e amperetsia le rhaioski si sar iek gazda kheresko kai ankalavel anda pesko kher, nevo manjin ai vi phurano."
40N	13	53		4430	Kana O Jesus getosardia sa le paramichi, gelotar kotsar. 
40N	13	54		4440	Areslo ando foro kai barilo, ai sicharelas le narodos ande lengi synagogue, chudisaile, ai phenenas, "Katar lias kado manush ka savo haliarimos ai putiera te kerel mirakluria?" 
40N	13	55		4450	Nai kado O Shav le stoliaresko? Nai lesko dako anav Maria? Nai leske phral o Jakov, o Josef, o Simon, ai o Judas? 
40N	13	56		4460	Ai leske pheia nai sa mashkar amende? Katar lias kado manush sa so si les?" 
40N	13	57		4470	Xoliale pe leste. Numa O Jesus phendias lenge, "Ferdi ande lesko foro ai ande lesko kher chi preznain le profeturia. 
40N	13	58		4480	O Jesus chi kerdia but mirakluria kotse ke nas le pachamos.
40N	14	1		4490	Pe kodia vriama o Herod o tetrarch, ashundias e viasta pa O Jesus. 
40N	14	2		4500	Ai phenel peske slugenge, "Kado si o Iovano o baptisto, zhuvindisailo pai martia, anda kodia si les e putiera te kerel mirakluria."
40N	14	3		4510	O Herod astardias le Iovanos, phanglia les lantsonsa ai thodia les ande temnitsa, palai Herodias, e rhomni leske phraleski o Philip. 
40N	14	4		4520	Ke o Iovano phenelas leske, "Nai tuke slobodo te les la!" 
40N	14	5		4530	Wo mangelas te mudarel le Iovanos, numa daralas katar o narodo, ke sa o narodo jinenas les profeto.
40N	14	6		4540	Po dies kai arakhadilo, dine pachiv le Herodos, e shei la Herodiaki kheldias lenge, ai de sa zurales plachalias le Herodos. 
40N	14	7		4550	Anda kudia solaxadias, te del la so godi mangel. 
40N	14	8		4560	Pala laka dako sikaimos phendias, An mange pek charo o shero le Iovanosko o baptisto.' 
40N	14	9		4570	O amperato nekezhisailo, numa ke solaxadias angla o narodo phendias te den la so mangel. 
40N	14	10		4580	Tradia te shinen o shero le Iovanosko ande temnitsa. 
40N	14	11		4590	Andine lesko shero pek charo, dine les kai shei, ai woi angerdia les ka peski dei. 
40N	14	12		4600	Leske disipluria avile, line lesko stato, groposarde les; ai gele ka Jesus ta phende leske so kerdiliape.
40N	14	13		4610	Kana O Jesus ashundias so kerdiliape, gelotar pek chuno korkorho kai nas khonik, o narodo andal foruria ashunde kodia, ai linepe pala leste telal. 
40N	14	14		4620	Kana O Jesus avilo palpale, dikhlias baro narodo, pelias leske mila anda lende, ai sastiardias lenge naswalen.
40N	14	15		4630	Kana e riat perelas le disipluria avile leste ai phende," Vuzhe pozno ai nai khanchi katse. Trade le narodos te zhantar, te zhan andel foruria te chinen peske te xan."
40N	14	16		4640	Numa O Jesus phendias lenge, 'Chi trobul te zhantar, den le tume te xan!"
40N	14	17		4650	Won phende leske, "Ferdi panzh manrhe ai dui mashe si ame."
40N	14	18		4660	"Anen le mande," phendias O Jesus. 
40N	14	19		4670	O Jesus phendias le narodoske te beshen tele pe char; lias le panzh manrhe ai le dui mashe, vazdia le iakha karing o rhaio, ai naisisardias ai phaglias le manrhe, dias le kal disipluria, ai le disipluria dine le ka narodo. 
40N	14	20		4680	Savorhe xale ai chailile. Kana le disipluria chide le kotora kai ashshile desh u dui kozhnitsi pherde sas. 
40N	14	21		4690	Kodola kai xale sas panzh mi mursh, ai vi zhuvlia ai glate sas.
40N	14	22		4700	Strazo O Jesus kerdias te anklen le disipluria ando pamphuri te zhan mai anglal lestar pe kaver rig le paieske, zhi pon wo tradias le narodos te zhantar. 
40N	14	23		4710	Kana tradias le narodos te zhantar, gelo opre ande plai korkorho te rhujilpe. Kana peli e riat, kote sas korkorho. 
40N	14	24		4720	O pamphuri sas mashkaral e maria, ai buntuime sas katar le talazuria ke e barval phurdelas zurales.
40N	14	25		4730	Mashkar le trin ai le shov chasuria diminiatsako O Jesus avilo karing lende, phirelas po pai. 
40N	14	26		4740	Kana le disipluria dikhle les ke phirel po pai, daraile. Ai tsipinas, "Choxano si!" 
40N	14	27		4750	Numa strazo O Jesus phendias lenge, "Aven veselo, ke me sim, Na daran!"
40N	14	28		4760	O Petri dias mui, "Gazda, te san tu, akhar ma te avav tute po pai."
40N	14	29		4770	"Aidi," phendias. Antunchi o Petri anklisto anda pamphuri ai phirdias po pai karing O Jesus. 
40N	14	30		4780	Numa kana thodias sama ke e barval phurdel zurales, darailo, antunchi tasolas ai tsipisardias, "Gazda, skepisar ma!"
40N	14	31		4790	Strazo O Jesus anzardias pesko vas, astardia les ai phendia leske, "Tu kai si tu xantsi pachamos! Sostar chi pachaian?"
40N	14	32		4800	Kana ankliste ando pamphuri, e barval aterdili. 
40N	14	33		4810	Ai kodola kai sas ando pamphuri luvudisarde ai preznaisarde les phenenas, "Chaches tu san O Shav le Devlesko!" 
40N	14	34		4820	Kana aresle inchal ando them sas kai bushol Gennesaret. 
40N	14	35		4830	Kana le manush kotsar prinzharde les, trade divano ande sa o them ai le manush andine sa penge naswalen leste.
40N	14	36		4840	Rhugisaile leste te mekel le naswalen, ferdi te azban e tivala leske raxamaki, ai kon godi azbadias leski raxami sastile.
40N	15	1		4850	Antunchi uni Gramnoturia ai Farizeanuria avile andai Jerusalem ka Jesus ai phushle les, 
40N	15	2		4860	"Sostar che disipluria chi keren o zakono le phurengo? Won chi xalaven penge vas kana xan!"
40N	15	3		4870	O Jesus phendia lenge, "Ai tume sostar phagen o zakono le Devlesko, te keren tumaro zakono? 
40N	15	4		4880	Ke O Del phendia, Preznaisar che dades ai cha da, ai kodo kai prokletsila peske dades vai peska da trobul mudardo." 
40N	15	5		4890	Numa tume phenen kon godi phenela peske dadeske vai peska dake, so sai demas tume te zhutiv tume dem ka Del. 
40N	15	6		4900	Kado manush nai leske musai te preznail peske dades ai peska da. Kadia tume phagen o zakono le Devlesko te keren tumaro zakono. 
40N	15	7		4910	Tume manush kai ankerdion so chi san! O Isaiah, mishto dias profesi pa tumende kana phendia,
40N	15	8		4920	"Kado narodo preznain ma peska mosa, numa lengo ilo dur mandar.
40N	15	9		4930	Intaino preznain ma, ke won sicharen manushenge zakonuria sar te avilino le Devleske."
40N	15	10		4940	Pala kodia akhardias le narodos peste ai phendia lenge, 'Ashunen ai haliaren! 
40N	15	11		4950	Nai so thol o manush ando mui kai maril les, numa so anklel anda lesko mui, si so kai maril les.'
40N	15	12		4960	Antunchi le disipluria avile leste ai phende leske, "Zhanes ke le Farizeanuria xoliale kana ashunde so phendian?"
40N	15	13		4970	O Jesus phendia, "Che godi patria kai chi thodias te bariol murho Dat kai si ando rhaio, avela ankaladi avri. 
40N	15	14		4980	Mek le! Ke won si sar korhe kai phiraven avre korhen; kana iek korho ingerel avre korhes, vi le dui si te peren ande hunia."
40N	15	15		4990	O Petri phendias, "Sikav ame te haliaras kadala paramichi."
40N	15	16		5000	O Jesus phendias, "Chi tu sa chi haliares?" 
40N	15	17		5010	Chi haliares? Ke so godi thos ando mui, zhan ando ji, ai porme anklel avri. 
40N	15	18		5020	Numa so anklel anda mui avel anda ilo; ai kodia si kai kerel andal manush marime angla Del. 
40N	15	19		5030	Ke anda ilo anklen le nasul ginduria, mudarimos, adulteri, kurvisia, chorimos, xoxaimos, pupuiimos, ai te des duma nasul pa Del. 
40N	15	20		5040	Kodia kerel andal manush marime angla Del. Numa kai xan bi te xalaven peske vas. Nai marime angla Del.
40N	15	21		5050	O Jesus gelotar kotsar ai gelo karing o Tire ai Sidon. 
40N	15	22		5060	Ek zhuvli kai avili anda Canaan delas mui, "Al tuke mila anda mande! Gazda, Shav le Davidosko. Murhi shei chinuil zurales ke beng ande late."
40N	15	23		5070	O Jesus chi phendia lake khanchi chi iek vorba. Leske disipluria avile leste ai phende leske, "Phen lake te zhaltar ke tsipil ai lelpe pala amende!"
40N	15	24		5080	O Jesus phendia, "Tradino sim ferdi kal bakriorhe le xasarde anda kher Israel."
40N	15	25		5090	Numa e zhuvli avili ai thodiape ande changende angla leste, ai phendias, "Gazda, zhutisar ma!"
40N	15	26		5100	Wo phendias, "Nai vorta te les o manrho le glatengo ai te shudes les kal zhukel."
40N	15	27		5110	Woi phendias leske, "Chaches, Gazda, numa le zhukel xan le prusuka kai peren katar lenge gazdaski skafidi." 
40N	15	28		5120	Antunchi O Jesus phendia lake, "Zhuvlio, cho pachamos baro te kerdiolpe tuke so manges." Ai strazo lake shei sastili.
40N	15	29		5130	O Jesus gelo pasha e maria, Galilee. Gelo pe iek plaiin ai kote beshlo tele. 
40N	15	30		5140	But narodo avelas leste, andine pesa le bangen, korhen, kashuken, le muto, le dukhade, ai but aver. Thode le ka leske punrhe, ai sastiardia le. 
40N	15	31		5150	Ta o narodo chudisailo kana dikhle ke le kashuke ashunen, le muto dine duma, le naswale sastile, le bange phirenas, le korhe dikhenas, won preznaisarde ai luvudisarde O Del le Israelosko.
40N	15	32		5160	O Jesus akhardia peske disiplon peste ai phendias, "Mila mange anda narodo, ke de trin dies mansa le, ai na le so xan. Chi mangav te zhantar bokhale, ke kam zalin po drom."
40N	15	33		5170	Le disipluria phende leske, "Kai te las dosta manrho ande kadia pusta te pravaras ka savo baro narodo?"
40N	15	34		5180	O Jesus phushlias le, "Sode manrhe si tume?" Won phende, "Efta manrhe ai xantsi tsinorhe mashe."
40N	15	35		5190	Wo phendia le narodoske te beshen tele pe phuv. 
40N	15	36		5200	Lia le efta manrhe ai le mashe, kana dias naisimos, phaglias le, ai dias le kal disipluria, le disipluria dine le ka narodo. 
40N	15	37		5210	Savorhe xale ai chailile. Le disipluria chide le kotora kai ashshile efta kozhnitsi pherde sas. 
40N	15	38		5220	Kodola kai xale sas shtar mi mursh, ai vi zhuvlia ai glate sas. 
40N	15	39		5230	Kana O Jesus tradia le narodos te zhantar, anklisto andek pamphuri, ai gelo ando o foro Magadan.
40N	16	1		5240	Le Farizeanuria ai le Saduseanuria avile ka Jesus te zumaven les, ai mangle lestar te sikavel lenge ek semno kai avel anda rhaio.
40N	16	2		5250	O Jesus phendias lenge, "Kana perel e riat tume phenen, 'Si te avel shukar vriama ke o cheri lolo.' 
40N	16	3		5260	Ai e diminiatsi, adies si te avel chorho dies, ke o cheri lolo ai tuniariko.' Tume manush kai ankerdion so chi san! Zhanen mishto te prinzharen le semnuria ando cheri; numa chi haliaren le semnuria la vriamake! 
40N	16	4		5270	Vitsa nasul kai nai chachimasa le Devlesa, roden iek semno, ai semno chi avela dino len, ferdi o semno le profetosko o Jonas." Antunchi meklia le ai gelotar.
40N	16	5		5280	Le disipluria aresle pe kaver rig le paieske, numa busterde te len manrho pesa. 
40N	16	6		5290	Antunchi O Jesus phendia lenge, "Arakhen tume katar e drozhda kai avel katar le Farizeanuria ai le Saduseanuria."
40N	16	7		5300	Le disipluria denaspe duma mashkar pende, ai phenenas, "Ke chi liam amensa manrho," phenel kadia. 
40N	16	8		5310	O Jesus zhanglias ai phendias, "Tume kai si tume xantsi pachamos. Sostar phenen mashkar tumende, chi andian manrho? 
40N	16	9		5320	Sa chi haliaren, chi seren le panzh manrhe ai le panzh mi zhene, ai sode kozhnitsi ashshile? 
40N	16	10		5330	Vai le efta manrhe ai le shtar mi zhene, ai sode kozhnitsi ashshile? 
40N	16	11		5340	Sar chi haliaren ke chi dav tumensa duma pa manrho? Numa te arakhen tume katar e drozhda kai avel katar le Farizeanuria ai le Saduseanuria!" 
40N	16	12		5350	Antunchi haliarde ke chi phendia lenge te arakhenpe katar e drozhda le manrheske, numa te arakhenpe katar o sicharimos kai sikaven le Farizeanuria ai le Saduseanuria.
40N	16	13		5360	Kana O Jesus areslo karing o foro Caesarea Philippi, phushlias katar peske   disipluria, "Kon mothon le manush ke si O Shav le manushesko?" 
40N	16	14		5370	Phende leske, "Uni phenen ke san o Iovano o baptisto, uni o Elijah, ai aver phenen ke san o Jeremiah, vai iek andal profeturia."
40N	16	15		5380	Phushlias len, "Ai tume, kon mothon ke sim."
40N	16	16		5390	O Simon Petri phendia, "Tu san O Kristo, O Shav le Devlesko O Del o zhuvindo."
40N	16	17		5400	Antunchi O Jesus phendias leske, "Raduime san, Simon Barjona! Chi avilo tuke kado haliarimos katar o stato ai o rat manushestar, numa katar murho Dat kai si ando rhaio. 
40N	16	18		5410	Ai me phenav tuke: ke tu san o Petri, ai pe kado bax vazdav murhi khangeri, ai le vurotsi le iadoske chi avela le putiera pe late. 
40N	16	19		5420	Dava tu le cheie ka e amperetsia le rhaioski: so phandesa pe phuv avela phanglo ando rhaio, ai so phutresa pe phuv avela phuterdo ando rhaio." 
40N	16	20		5430	Antunchi O Jesus dias trad peske disiplon te na phenen kanikaske ke wo si O Kristo.
40N	16	21		5440	De katar kodia vriama O Jesus sikavelas peske disiplon, "Ke musai te zhal ande Jerusalem ai but fialuria avela chinuime katar le phure kai poronchin, ai le bare rasha, ai le Gramnoturia. Te mudaren les, ai o trito dies te zhuvindil."
40N	16	22		5450	Antunchi o Petri lia les rigate ai phendias leske, "Te na del O Del! Gazda, te na kerdiolpe tuke kodia."
40N	16	23		5460	O Jesus amboldinisailo katar o Petri ai phendias, "Le tu angla mande, Satano! (o beng). Ande murho drom san, Petri. Ke che ginduria si manusheske, na le Devleske."
40N	16	24		5470	Porme O Jesus phendia peske disiplonge, "Te si vari kon kai mangel te avel pala mande, musai te bustrel pa peste, te lel pesko trushul, ai te avel pala mande. 
40N	16	25		5480	Ke o manush kai mangela te garavel pesko traio xasarela les; numa kodo kai dela pesko traio pala mande arakhela traio. 
40N	16	26		5490	So lela o manush te nirila sa e lumia ai te xasarela pesko traio duxosko? So sai del o manush te chinel palpale pesko traio duxosko. 
40N	16	27		5500	Ke O Shav le Manushesko si te avel ando barimos peske Dadesko ai peske angelonsa, antunchi dela swakones so si lesko pala so kerdias ai sar traiisardias. 
40N	16	28		5510	Chachimasa phenav tumenge, uni anda kadala kai si katse chi merena zhi pon chi dikhena sar O Shav le Manushesko avel ande peske amperetsia."
40N	17	1		5520	Shov dies pala kodia O Jesus lias pesa o Petri, o Iakov ai lesko phral o Iovano, ningerdias le pek bari plaiing ai ferdi won sas kotse. 
40N	17	2		5530	Kotse parhudilo angla lende, lesko mui strefialsa sar o kham, ai leske tsalia parnile sar e vediara. 
40N	17	3		5540	Strazo avisaile angla lende, o Moses ai o Elijah denas duma le Kristosa.
40N	17	4		5550	Antunchi o Petri dias duma ai phendias, "Jesus, Gazda, mishto ke sam katse! Te mangesa, anzaras trin tseri, iek tuke, iek le Mosesoske, ai iek le Elijahaske."
40N	17	5		5560	Sar delas duma, iek nuvero kai strefialas avilo ai vuäaradia le, ai anda nuvero iek glaso phendias: "Kado si murho Shav kai si mange de sa drago, kai plachal ma de sa zurales; ashunen leste!"
40N	17	6		5570	Kana le disipluria ashunde kodo glaso, daraile zurales ai pele tele mosa pe phuv. 
40N	17	7		5580	Numa O Jesus avilo, thodia o vas pe lende, ai phendias, "Wushten, na daran!" 
40N	17	8		5590	Kana vazde penge iakha, chi mai dikhle kanikas, ferdi O Jesus sas.
40N	17	9		5600	Sar avenas tele pai plaiing O Jesus dias le trad, "Na phenen kanikaske so dikhlian zhi kai O Shav le Manushesko zhuvindila andai martia."
40N	17	10		5610	Leske disipluria phushle les, "Sostar le Gramnoturia phenen ke o Elijah trobul te avel mai anglal?"
40N	17	11		5620	O Jesus phendia lenge, "Chaches trobul te avel o Elijah te anel palpale swako fielo sar kai sas. 
40N	17	12		5630	Numa phenav tumenge, o Elijah vunzhe avilo, numa le manush chi prinzharde les, ai kerde lesa so godi mangle. Sa kadia O Shav le Manushesko si te avel chinuime lendar." 
40N	17	13		5640	Antunchi le disipluria haliarde ke delas lensa duma pa o Iovano o baptisto.
40N	17	14		5650	Kana aresle karing o narodo, iek manush avilo ka Jesus, thodiape ande changende angla leste, 
40N	17	15		5660	ai phendias, "Gazda, al tuke mila anda murho shav! Ke beng ande leste, ai chinuil zurales, butivar perel ande iag, ai butivar perel ando pai. 
40N	17	16		5670	Ningerdem les ka che disipluria, numa nashti sastiarde les." 
40N	17	17		5680	O Jesus dias atweto ai phendias, "Tume kai nai tume pachamos, ai rimome vitsa, zhi kana trobula te avav tumensa? Zhi kana trobul te rhivdiv tumen? Anen le shavorhes mande!" 
40N	17	18		5690	O Jesus gonisardias le benges, ai o beng anklisto avri anda shavorho, ai strazo sasto sas.
40N	17	19		5700	Porme le disipluria avile ka Jesus, line les rigate ai phushle, "Sostar nashti gonisardiam les ame?" 
40N	17	20		5710	O Jesus phendias lenge, ke de sa xantsi pachamos si tume, o chachimos phenav tumenge, te avel tume pachamos kambor e sumuntsa la garchitsaki, phendianas kakala plaiake, "Le tu katkar ai tho tu kote!" Ai si te mishkilpe, ai nai khanchi kai nashti kerena. 
40N	17	21		5720	Numa kodolestar anklel avri ferdi kana rhugis tu ai zhonis.
40N	17	22		5730	Andek dies kai le disipluria sas andek than ande Galilee. O Jesus phendia lenge, ke O Shav le manushesko si te avel dino andel vas le manushengo: 
40N	17	23		5740	Ai si te mudaren les; numa o trito dies zhuvindila." Won nekezhisaile zurales.
40N	17	24		5750	Kana O Jesus ai leske disipluria aresle ando Capernaum, le manush kai chiden e taksa, avile ka Petri ai phushle les, "Tumaro gazda chi pochinel e taksa?"
40N	17	25		5760	"Pochinel," phendia o Petri, ai kana o Petri avilo ando kher, O Jesus dias duma mai anglal, ai phendias, "So gindis tu, Simon? Le amparaturia la phuviake, kastar len e taksa le themeski, katar penge shave, vai katar le streia?"
40N	17	26		5770	Kana o Petri phendias, "Katar le streia," O Jesus phendias leske, "Antunchi le shave chi trobul te pochinen. 
40N	17	27		5780	Numa te na rimosaras lenge gindo ai te peren ando bezex, zha ka maria, ai shude vunjitsa ando pai, le o pervo masho kai astaresa, phuter lesko mui, ai kotse arakhesa love, inger lende ai pochin e taksa pa mande ai pa tute."
40N	18	1		5790	Ande kodia vriama le disipluria avile ka Jesus, ai phushle les, "Kon si o mai baro ande amperetsia le rhaioski?"
40N	18	2		5800	O Jesus akhardias peste iek tsinorhi glata, ai thodia les angla lende, 
40N	18	3		5810	ai phendia, "Chachimos phenav tumenge, te na keiin tume ai te kerdion sar tsinorhe glate, nashtin chi te nakhen ande amperetsia le rhaioski."
40N	18	4		5820	Kon godi mekelape kovlo sar kacha tsinorhi glata si o mai baro ande amperetsia le rhaioski.
40N	18	5		5830	Ai kon godi primila iek tsinorhi glata sar kadia ando murho anav primil man." 
40N	18	6		5840	Numa kon godi kerela iek anda kadala tsinorhe kai pachanpe ande mande te peren ando bezex, mai bini te avel ek baro bax phanglo ka leski kox ai te avel shudino ande bari maria.
40N	18	7		5850	Nasul la lumiake pala o zumaimos kai ingerel le manushen te peren ando bezex. O zumaimos musai te avel, numa nasul kodoleske kastar avela o zumaimos. 
40N	18	8		5860	Te si cho vas vai cho punrho kai kerel tu te peres ando bezex, shin les ai shude les dur tutar! Mai bini te zhas ando chacho traio ieka vastesa vai ieke punrhesa de sar te aven tu dui vas ai dui punrhe ai te aves shudino ande iag kai chi getolpe.
40N	18	9		5870	Ai te si chi iakh ke kerel tu te peres ando bezex. Le la avri ai shude la dur tutar! Ke mai bini te zhas ando chacho traio ieka iakhasa de sar te aven tut dui iakha ai te aves shudino ande iag le iadoski."
40N	18	10		5880	"Arakhen tume te na vurhitsin iek anda kadala tsinorhe." Ke phenav tumenge, ke lenge angeluria ando rhaio, dikhen sa data iek pe fatsa murhe Dadeski kai si ando rhaio.
40N	18	11		5890	Ke O Shav le manushesko avilo te skepil kodia kai sas xasardo. 
40N	18	12		5900	So gindis? Te si iek manush kai si les ek shel bakre, ai iek anda lende xasavol, chi mekel le iniarvardesh tai inia pe plai ai te zhal te rodel o iek kai xasailo? 
40N	18	13		5910	Ai te arakhela les, phenav tumenge o chachimos, "Mai raduime anda kodo iek de sar andal kaver iniarvardesh tai inia kai nas xasarde. 
40N	18	14		5920	Ai sa kadia nai e voia tumaro Dadeski kai si ando rhaio, te xasavol ai te xaiil chi iek anda kadala tsinorhe.
40N	18	15		5930	"Te kerdia cho phral bezex karing tute, zha leste korkorho ai sikav leske leski dosh. Te ashunela tute nirisardian che phrales palpale. 
40N	18	16		5940	Numa te na ashunela tute, le tusa iek vai dui manush kashte te avel dui vai trin marturia ka divano. 
40N	18	17		5950	Te na ashunela lende, phen la khangeriake; te na ashunela ka khangeri, jin les sar iek manush kai chi pachalpe ando Del, ai sar iek manush kai chidel e taksa."
40N	18	18		5960	O chachimos phenav tumenge, "So godi phandena pe phuv vunzhe phanglo ando rhaio; ai so godi tume phutrena pe phuv vunzhe phuterdo ando rhaio."
40N	18	19		5970	Magdata phenav tumenge, "Te avela dui anda tumende kai san vorta ai chache iekavresa ai pe iek gindo pe phuv, vari so kai mangena si e avel, kerdo lenge katar murho Dat ando rhaio." 
40N	18	20		5980	Ke kai dui vai trin chidenape ande murho anav, "Me sim, mashkar lende."
40N	18	21		5990	Antunchi o Petri avilo ka Jesus ai phushlia les, "Gazda, sodivar trobul te iertiv murhe phraleske te kerela bezexa karing mande? Zhi ka e eftato data?" 
40N	18	22		6000	O Jesus phendias leske, "Me phenav tuke na zhi ka e eftato data, numa zhi kal eftavardesh data efta.
40N	18	23		6010	"E amperetsia le rhaioski si sar iek amperto kai manglias te dikhel sode kamenas leske, leske slugi. 
40N	18	24		6020	De anda gor andine leske iekes kai kamelas leske desh mi. 
40N	18	25		6030	Ke nashti pochinelas, lesko gazda dias ordina te bichinen les, leska rhomnia, leske shaven, ai sa so godi sas les, kashte te pochindiol so kamelas. 
40N	18	26		6040	E sluga thodiape ande changende ai rhugisailo leste, 'Na xoliavol, rhevdisar, azhuker ma, ai pochinava tuke sa.' 
40N	18	27		6050	Leske gazdaske pelias mila, ai meklias les te zhal ivia. Iertisardias les so godi kamelas leske.
40N	18	28		6060	"Numa e mizmo sluga sar zhalas avri, arakhlias iek andal kaver slugi, kai kamelas leske iek shel teliara. Lias les korhatar ai phendias, " Pochin mange so godi kames mange."
40N	18	29		6070	Kodia sluga thodiape ande changende ai rhugisailo leste, " Na xoliavol, rhevdisar, azhuker ma, ai pochinava tuke sa."
40N	18	30		6080	Numa wo chi manglias, gelo ai thodias les ande temnitsa zhi pon pochinela so kamel. 
40N	18	31		6090	Kana le kaver slugi dikhle so kerdiliape, de sa nasul sas lenge, gele ai phende le gazdaske so godi kerdiliape. 
40N	18	32		6100	Antunchi lesko gazda akhardias les, ai phendias leske, "Tu bi lasho, bi ilesko, nasul sluga! Me iertisardem tuke so godi kamesas mange ke rhugisailian mande. 
40N	18	33		6110	Chi trobulas te avel tuke mila andai kaver sluga, sar sas mange mila anda tute?" 
40N	18	34		6120	Ande xoli lesko gazda thodias les ande temnitsa zhi pon pochinal so godi kamelas.
40N	18	35		6130	"Sakadia si te kerel tumensa murho Dat kai si ando rhaio, te na iertina tumare phralen sa ilesa."
40N	19	1		6140	Kana O Jesus getosardias so phenelas, gelotar andai Galilee karing e Judea inchal e Jordan. 
40N	19	2		6150	Bare naroduria gele pala leste, ai sastiardia le kotse.
40N	19	3		6160	Le Farizeanuria avile leste te zumaven les, ai phushle les, "Dar vorta ai slobodo ando zakono te mekel o manush peska rhomnia anda vari soste godi?"
40N	19	4		6170	Dias atweto ai phendias, "Chi jindian ke kodo kai kerdias le de anda gor kerdias le mursh ai zhuvlia? 
40N	19	5		6180	Ai phendias, "Anda kodia o mursh si te mekel peske dades ai peska da, ai avela astardo ka peski rhomni, ai le dui avena iek stato." 
40N	19	6		6190	Pala kodia na mai dui numa iek stato. So Del thodias andek than o manush te na hulavel."
40N	19	7		6200	Won phende leske, "Apo, Sostar o Moses meklias ke sai mekel o manush peska rhomnia te dela la lil anda vas?"
40N	19	8		6210	Wo phendias lenge, "Ke zuradian tumaro ilo o Moses meklias ke sai meken tumare rhomnian. Numa de anda gor nas kadia. 
40N	19	9		6220	Me mothav tuke kon godi mekela peska rhomnia te na avela ke kurvisaile, ai te lela avria kerdias kurvia, ai kodo kai lela la kerel kurvia.
40N	19	10		6230	Le disipluria phende leske, "Te avela kadia mashkar o mursh ai leski rhomni mai feder te na meritinpe.
40N	19	11		6240	Wo phendias lenge, "Nashtin sa le manush te primin kado sikaimos. Numa kodola kaste si dino. 
40N	19	12		6250	Uni si Eunuchs ke biandile kadia, uni si Eunuchs ke le manush kerde le kadia, ai uni si Eunuchs ke won mangen pala e amperestia le rhaioski. Kodo kai sai primil, mek te primil."
40N	19	13		6260	Antunchi andine tsinorhe glaten te thol peske vas pe lende ai te rhugil lenge, numa le disipluria dine le trad.
40N	19	14		6270	O Jesus phendias, "Mek te aven le glate mande, ai na ashaven le, ke e amperetsia le rhaioski kodolenge si kai si sar lende." 
40N	19	15		6280	Thodia peske vas pe lende ai gelotar kotsar.
40N	19	16		6290	Iek manush avilo ka Jesus ai phushlia les, "Lasho Gazda, che lashimos trobul te kerav te avel ma traio kai chi mai getolpe?"
40N	19	17		6300	Wo phendias leske, "Sostar mothos mange lasho? Ke nai khonik lasho. O Del ferdi si lasho. Te mangesa te nakhes ando traio kai chi getolpe anker le zakonuria."
40N	19	18		6310	"Savo?" phushlias lestar. O Jesus phendias leske, "Na mudar, na ker kurvia, na chor, na xoxav. 
40N	19	19		6320	Preznaisar che dades ai cha da, ai te avel tuke drago le manush sar kai san tu tuke."
40N	19	20		6330	O terno manush phendias, "Sa kadala zakonuria ankerdem de sar sim tsinorho: So mai trobul te kerav?"
40N	19	21		6340	O Jesus phendias leske, "Te mangesa te aves vorta, zha bichin so si tu, de kal chorhe, ai avela tu manjin ando rhaio: antunchi aidi pala mande."
40N	19	22		6350	Kana o terno manush ashundias kodia tristosailo ai gelotar, ke but barvalimos sas les.
40N	19	23		6360	Porme O Jesus phendia peske disiplonge, "Phenav tumenge o chachimos, trutno ek barvale manusheske te zhal ande amperetsia le rhaioski. 
40N	19	24		6370	Ai mai phenav tumenge, mai vushoro te nakhel iek gemula andai iakh la suviaki, de sar iek barvalo manush te zhal ande amperetsia le Devleski."
40N	19	25		6380	Kana le disipluria ashunde kadia, chudisaile ai phende, "Apo, kon sai avela skepime?"
40N	19	26		6390	O Jesus dikhlias pe lende. Ai phendias lenge, "Le manush anda pende nashtin, numa le Devlesa vari so sai kerdiol."
40N	19	27		6400	Antunchi o Petri phendias leske, "Ame mekliam swako fielo ai liam ame pala tute. So avela amen."
40N	19	28		6410	O Jesus phendia lenge, "Phenav tumenge o chachimos, ande nevi lumia kana O Shav le Manushesko beshela pe pesko skamin o amperatitsko ando barimos le rhaiosko, tume kai lian tume pala mande, si te beshen pe desh u dui amperatitske skamina, te shinen kris pe le desh u dui vitsi andai Israel. 
40N	19	29		6420	Ai kon godi mekela khera, phralen, pheian, dades, vai da, rhomni, glaten, vai phuvia pala mande, lena iek shelvar mai but ai avela le o traio kai chi getolpe. 
40N	19	30		6430	But anda le perve avena le palune, ai but kai sas le palune avena le perve."
40N	20	1		6440	E amperetsia le rhaioski si sar iek gazda kai gelo diminiatsi te lel manush te keren buchi ande leski rez. 
40N	20	2		6450	Ashilo le bucharensa pe iek pena po dies ai tradia le ande peski rez.
40N	20	3		6460	Karing le inia, gelotar ai ando bazari dikhlias avren kai chi kerenas khanchi. 
40N	20	4		6470	Lenge phendia, "Zhan vi tume ande murhi rez, ai dava tumen so si vorta." 
40N	20	5		6480	Karing le desh u dui miazutsi, ai magdata karing le trin pala miazutsi kerdias sa kadia.
40N	20	6		6490	Karing le pansh pala miazutsi gelo ai arakhlias avren kai chi kerenas khanchi, ai phendias lenge, "Sostar beshen katse sorho dies ai chi keren khanchi?"
40N	20	7		6500	Won phende leske, "Ke chi lias amen khonik te keras buchi." Lenge phendias, "Zhan vi tume ande murhi rez, ai so godi avela vorta, kodia len."
40N	20	8		6510	"Kana peli e riat, o gazda la rezako phendia peske slugake, "Akhar le bucharen ai de le lenge pochin, pervo kodolen kai lem mai palal ai ando gor kodolen kai lem pervo.       
40N	20	9		6520	Ai kodola kai sas line karing le pansh pala miazutsi avile ai swako lias po iek pena. 
40N	20	10		6530	Kana le perve avile, gindinas ke won len mai but, numa swako lias po iek pena. 
40N	20	11		6540	Kana line peske pochin pupuiinaspe pa gazda. 
40N	20	12		6550	Phenenas, "Kadala kai avile ande vurma kerde buchi numa iek chaso, ai thodian le amensa, kai chinuisardiam sorho jes ando tachimos!"
40N	20	13		6560	Numa wo dias atweto ai phendias ieskeske, "Vortakona, chi kerav tusa nasul, chi ashilian mansa pe iek pena? 
40N	20	14		6570	Le so si chiro ai zha ci drom. Me mangav te dav kodoles kai avilo ande vurma sode dem tute. 
40N	20	15		6580	Dar nashti kerav murhe lovensa so mangav. Vai inatsia si tut ke lasho sim, ai dav mai but de so trobul.
40N	20	16		6590	Kadia kerdiola, le palune avena le perve, ai le perve avena le palune: but si akharde, numa xantsi si halome."
40N	20	17		6600	Sar zhalas O Jesus ando Jerusalem, lia le desh u dui disiplon rigate pa drom, ai phendias lenge,
40N	20	18		6610	Ame zhas ande Jerusalem ai O Shav le Manushesko avela dino ando vas kal bare rasha ai le Gramnoturia, won kerena leski kris te mudaren les. 
40N	20	19		6620	Dena les kal manush kai Nai Zhiduvuria te maren mui lestar, te maren les le bichosa, te karfon les po trushul; ai o trito dies si te zhuvindil."
40N	20	20		6630	Antunchi le Zebedeske shave ai lenge dei avile ka Jesus, thodias pe anda changende angla leste, te mangel vari so lestar.       
40N	20	21		6640	Phushlias la, "So manges?" Woi phendias, "Mek murhe do shaven te beshen iek ka cho chacho vas ai iek ka cho stingo vas ande chiri amperetsia."  
40N	20	22		6650	Numa O Jesus phendias lake, "Chi zhanes so manges." Amboldiaspe ka Iakov ai ka Iovano ai phushlias le, "Sai phen andai kuchi kai me si te piiav?" Won phende, "Sai."
40N	20	23		6660	Wo phendias lenge, "Si te phen anda murhi kuchi, numa te beshen ka murho chacho chas ai ka murho stingo, nai mandar te dav. Kodo than avela dino ka kodola kaske getosardias le murho Dat.
40N	20	24		6670	Kana le kolaver desh disipluria ashunde kodia, xoliale pel dui phral. 
40N	20	25		6680	O Jesus akhardias le peste ai phendias, "Tume zhanen ke le bare le manushenge kai Nai Zhiduvuria gazdin len, ai keren lensa so mangen. 
40N	20	26		6690	Nai kadia mashkar tumende, numa savo godi mangel te avel baro mashkar tumende, avela tumaro podaitori. 
40N	20	27		6700	Ai savo godi mangel te avel o mai baro mashkar tumende, avela tumari sluga; 
40N	20	28		6710	Sakadia o Shav le Manushesko chi avilo te podain les, numa avilo te podail ai te del pesko traio te pochinel anda but te skepil le."
40N	20	29		6720	Kana zhanas avri anda Jericho, but narodo liape pala Jesus. 
40N	20	30		6730	Dui korhe beshenas pe rig le dromeske kana ashunde ke O Jesus nakhelas, tsipisarde, "Gazda, tu Shav le Davidosko! Al tuke mila anda amende!"
40N	20	31		6740	O narodo ashavelas le. Numa won tsipinas mai zurales, "Gazda, Shav le Davidosko! Al tuke mila anda amende!"
40N	20	32		6750	O Jesus terdilo, akhardias le, ai phushlias len, "So mangen te kerav tumenge?"
40N	20	33		6760	Phende leske, "Gazda, phuter amare iakha te dikhas!"
40N	20	34		6770	Mila sas leske anda lende. O Jesus azbadias lenge iakha; strazo dikhle, ai linepe pala leste.
40N	21	1		6780	Kana pashile karing o Jerusalem, areslo ando Bethphage pe plai le maslinengi. O Jesus tradias duien andal disipluria. 
40N	21	2		6790	ai phendia lenge, "Zhan ando gav mai angle, ai arakhena kotse ek magari phangli ai lako magaristsi lasa; phutren le, ai anen le mande. 
40N	21	3		6800	Te phenela tumenge vari kon, vari so, phenen leske, "Trobun le gazdas," ai strazo si te tradel le."
40N	21	4		6810	Kadia kerdiliape te pherdiol so phendiasas o profeto.
40N	21	5		6820	Kana phendias, "Phenen la sheiake le Zionoski, "Eta, cho amperato avel tute! Domolo ai anklisto pe ek magari, ai pe ek tsinorho le magaresko."
40N	21	6		6830	Le disipluria gele, ai kerde so O Jesus phendias lenge. 
40N	21	7		6840	Andine le magares ai le tsinorho magares, thode penge raxamia pe lende, ai O Jesus beshlo pel raxamia. 
40N	21	8		6850	But anda narodo shudenas penge raxamia po drom angla leste, kaver shinde patria pai krenga ai thode le po drom angla leste. 
40N	21	9		6860	O narodi kai zhanas anglal angla leste, ai kodola kai avenas palal pala leste, tsipinas, "Hosana ka O Shav le Davidosko! Raduime kodo kai avel ando anav le Devleske! Hosana zhi ando rhaio."
40N	21	10		6870	Kana O Jesus avilo ande Jerusalem sa o foro sas buntuime, ai phushenas, "Kon si kado?"
40N	21	11		6880	O narodo phenenas, "Kado si O Jesus o profeto anda Nazareth ande Galilee."
40N	21	12		6890	O Jesus avilo ande tamplo le Devleski ai gonisardia sa kodolen kai bichinenas ai chinenas ande tamplo. Dia muial le skafidia kodolenge kai parhuvenas le love ai le skamina kodolenge kai bichinenas le golumburia, 
40N	21	13		6900	ai phendia lenge, "Ramome murho kher avela akhardo 'Kher rhugimasko,' numatume keren anda leske shtala chorengi!"
40N	21	14		6910	Le korhe ai le bange avile leste ande tamplo ai sastiardia le. 
40N	21	15		6920	Numa kana le bare rasha ai le Gramnoturia dikhle sa le mirakluria ai sa so kerdias, ai ke le shavorhe ande tamplo denas mui, ai phenenas, "Hosana ka O Shav le Davidosko," xoliale.
40N	21	16		6930	Ai phende leske, "Ashunes so phenen?" O Jesus phendias, "E, Shoxar chi jindian, anda mui shavorhenge ai tsinorhe glatengo andian chacho luvudimos."
40N	21	17		6940	Meklia le, ai gelotar anda foro, gelo ande Bethani, ai kotse riatchardias.
40N	21	18		6950	De diminiatsi, sar avelas palpale ando foro bokhailo. 
40N	21	19		6960	Kana dikhlias ek pruing figengi pasha drom gelo late, ai arakhlias patria ferdi, antunchi phendia la pruingake, shoxar te na mai bariol fruta tutar, ai strazo shuchili e pruing.
40N	21	20		6970	Kana le disipluria dikhle kodia, chudisaile, ai phushle, "Sarta shuchili e pruing andak data?"
40N	21	21		6980	O Jesus phendias lenge, "O chachimos phenav tumenge, te avela tume pachamos, ai te na avela tume gindo ke chi kerdiol, tume chi kerena ferdi so sas kerdo kakala pruingake, numa vi te mothona kakala plaiake, 
40N	21	22		6990	"Le tu katkar ai av shudini ande maria si te kerdiol. Ai so godi mangena ando rhugimos ai te pachana tume si te len."
40N	21	23		7000	Ai kana avilo ande tamplo, le bare rasha ai le phure kai poronchinas avile leste sar sikavelas, ai phende, "Kon phendias tuke ke sai keres so tu keres, ai kon dias tu kudia putiera?"
40N	21	24		7010	O Jesus phendia lenge, "Vi me akana phushav tumendar ek divano, ai te phenena mange, antunchi me phenav tumennge katar che putiera kerav so kerav. 
40N	21	25		7020	O bolimos le Iovanosko katar sas, anda rhaio vai manushendar?" Dinepe duma mashkar pende, ai pheneas, "Te phenasa anda o rhaio si te phushel ame, Sostar chi pachaian les?" 
40N	21	26		7030	Numa te phenasa manushendar. Dar katar le manush ke savorhe ankeren le Iovanos profeto.
40N	21	27		7040	Antunchi phende le Kristoske, "Chi zhanas." Ai Wo phendia lenge, "Chi me, chi phenav tumenge katar che putiera kerav so kerav."
40N	21	28		7050	"So gindin tume? Sas iek manush kai sas les dui shave. Gelo ka pervo, ai phendias, "Shava, zha, ker buchi adies ande murhe rez."
40N	21	29		7060	Wo phendias, "Chi zhav" numa mai palal keisailo ai gelo.
40N	21	30		7070	Avilo ka duito ai phendias leske sakadia. Wo phendias, "Zhav, Raia," numa chi gelo. 
40N	21	31		7080	Savo andal dui kerdia e voia peske dadeske?" Won phende leske, "O pervo". O Jesus phendias lenge, "Chaches mothav tumenge, le manush kai chiden e taksa ai le kurvi arasena ande amperetsia le Devleski mai anglal tumendar. 
40N	21	32		7090	Ke o Iovano avilo tumende te sikavel tumenge o drom o chacho, ai chi pachaian les, numa le manush kai chiden e taksa ai le kurvi pachaie les. Vi kana dikhlian kodia chi keisailian ai te pachan les."
40N	21	33		7100	"Ashunen ka aver paramichi, sas iek gazda kheresko thodias iek zido kruglom latar, ai lashardias iek than te strangon o struguro, vazdias iek wucho than te len sama kotsar. Ai dias e rez po wunjilepe manushende, ai gelotar andek dur them. 
40N	21	34		7110	Kana pashili e vriama te chidelpe o struguro, tradias peske slugen kal manush kai bariarenas pe leski rez, te len o struguro kai avelas leske. 
40N	21	35		7120	Numa kudula kai bariarenas pe rez line leske slugen ai marde iekes, iekes mudarde, ai ande iek shude baxensa. Magdata tradia avre slugen, kadia data tradias mai but ai kerde lenge sakadia. 
40N	21	37		7130	Ta ando gor tradias lende peske shaves, ai phendias, "Si te preznain murhe shaves."
40N	21	38		7140	Numa kana dikhle le shaves le manush kai bariaren pe rez phende iek avreske. Aven, mudaras les, ai lias ame so si lesko. 
40N	21	39		7150	Line les, shude les avri andai rez ai mudarde les."
40N	21	40		7160	"Kana o gazda le rezako avela, so kerela kodole manushenge?"
40N	21	41		7170	Won phende leske, "Si te mudarel kodole nasul manushen, ai dela e rez ka kaver te bariaren pe late, kai dena les e fruta kai si leski kana avela e vriama."
40N	21	42		7180	O Jesus phendias lenge, "Shoxar chi jindian ando ramomos? O bax kai le manush kai vazden o kher shude kerdilo o bax kai si sa e zor le khereski, O Del kerdias kadia, ai che mundro ande amare iakha!"
40N	21	43		7190	Anda kodia phenav tumenge, "E amperetsia le Devleski avela lini tumendar, ai avela dini kai iek them kai avela laki fruta lendar. 
40N	21	44		7200	Ai kon godi perela pe kado bax avela phago, numa pe kaste perela o bax licharela les sar e pulberia.
40N	21	45		7210	Kana le rasha le bare ai le Farizeanuria ashunde kadia paramicha haliarde ke pa lende delas duma. 
40N	21	46		7220	Mangenas te thon o vas pe leste. Numa daraile katar o narodo ke won ankerenas les profeto.
40N	22	1		7230	O Jesus dia duma pale andel paramichi ai phenel, 
40N	22	2		7240	"E amperetsia le rhaioski si sar iek amperato kai kerdias abiav peske shaveske. 
40N	22	3		7250	Tradias peske slugen te akharen kodolen kai sas akharde ka abiav, numa won chi mangle te aven.
40N	22	4		7260	"Magdata tradias avre slugen, te mothon kodolenge kai sas akharde, "Eta, getosardem o xabe, murhe guruv ai le vitseluria sa mudarde, swako fielo gata. Aven ka abiav!" "
40N	22	5		7270	Numa chi thode sama, ai gele peske drom, iek ka peski farma, aver ande peski buchi. 
40N	22	6		7280	Ai le kolaver thode o vas pe leske slugi, marde mui lendar, darade le ai mudarde le. 
40N	22	7		7290	"Kana o amperato ashundias, xolialo, tradias peske ketani; ai kerdias xaiimaske anda kodola kai mudarde, ai dias iag lengo foro.
40N	22	8		7300	Antunchi phendias peske slugenge, o abiav gata numa kodola kai sas akharde, chi molas te aven akharde." 
40N	22	9		7310	Anda kodia zhan pel bare vulitsi, ai sode arakhena kotse, akharen le ka o abiav. 
40N	22	10		7320	"Kodola slugi gele pel vulitsi ai chide andek than sa kai arakhle, vi nasul ai vi lashe; ai o kher le abiavesko sas pherdo. 
40N	22	11		7330	Kana o amperato avilo te dikhel le gosten, dikhlia kotse iek manush kai sas xuriarado andel tsalia abiaveske. 
40N	22	12		7340	Ai phendias leske, "Vortako, Sar avilian andre katse bi tsalengo abiaveske?" Les nas so mothol.
40N	22	13		7350	Antunchi o amperato phendias le slugenge, "Phanden leske vas ai leske punrhe, ai shuden les avri ando tuniariko. Kotse kai rovena ai chiden dandendar."
40N	22	14		7360	"Ke but si akharde, numa xantsi si halome."
40N	22	15		7370	Antunchi le Farizeanuria gele ai dinepe duma sar te astaren les ande lesko divano. 
40N	22	16		7380	Trade leste peske disiplon ai une Herodians, won phende , "Gazda, zhanas ke chachimasa san ai sikaves o chachimos pa Del bi te daras vari kastar, ke chi thos partia kanikaske. 
40N	22	17		7390	Phen amenge antunchi, "So gindis? Si amenge slobodo vai nai, te pochinas taksa ka Caesar?"
40N	22	18		7400	Numa O Jesus haliardias lenge nasul ginduria, ai phendias, "Sostar tume zumaven ma? Tume kai ankerdion so chi san? 
40N	22	19		7410	Sikaven mange le love so sa pochinen e taksa." Andine leske iek pena, 
40N	22	20		7420	ai phendias lenge, "Kaski fatsa ai ramomos si kado?"
40N	22	21		7430	Won phende leske, "O Caesar" Antunchi O Jesus phendias lenge, "Den ka Caesar so si lesko, ai den ka Del so si le Devlesko."
40N	22	22		7440	Kana ashunde, chudisaile. Mekle les ai geletar.
40N	22	23		7450	Sa kodo dies uni Saduseanuria kai mothon ke nai traio pala e martia avile leste ai phushle les,
40N	22	24		7460	"Gazda, o Moses phendias, 'Te merela iek manush ai nas les glate, lesko phral trobul te lel leska rhomni, te vazdel familia peske phralesle.' 
40N	22	25		7470	Sas mashkar amende efta phral. O pervo ansurisailo ai mulo, ai ke nas les glate, meklia peska rhomnia peske phraleske. 
40N	22	26		7480	Sa kadia o duito, ai o trito zhi ka o eftato. 
40N	22	27		7490	Kana avela te zhuvindin le mule te zhan ando rhaio, saveski andal efta phral avela e rhomni ke savorhenge sas?"
40N	22	29		7500	O Jesus phendias lenge, "Shubin tume zurales! Ke tume chi haliaren E Vorba le Devleski , ai chi e putiera le Devleski. 
40N	22	30		7510	Ke kana avela te zhuvindin le mule te zhan ando rhaio, le mursh chi lena rhomni ai le zhuvlia chi lena rhom, numa avena sar le angeluria le Devleske kai si ando rhaio. 
40N	22	31		7520	Numa anda kodia kai zhuvindin le mule te zhan ando rhaio, chi jindian tume so sas phendo tumenge katar O Del, kana phendias. 
40N	22	32		7530	"Me sim O Del le Abramosko, O Del le Isakosko ai O Del le Jacovosko," O Del nai O Del le mulengo, numa le zhuvindengo."
40N	22	33		7540	Kana le naroduria ashunde kado divano, chudisaile katar lesko sikaimos.
40N	22	34		7550	Numa kana le Farizeanuria ashunde ke phandadias o mui le Saduseanongo, chidinisaile andek than, 
40N	22	35		7560	ai iek anda lende, ablakato, phushlias les ek divano te zumavel les. 
40N	22	36		7570	"Gazda, Savo si o mai baro andal zakonuria?"
40N	22	37		7580	O Jesus phendias leske, "Te avel tuke drago O Del sa che ilesa, sa che duxosa, ai sa cho gojasa." Kado si o pervo ai o mai baro andal zakonuria. 
40N	22	39		7590	Ai o duito si saikfielo: "Te avel tuke drago le manush sode san tu tuke." 
40N	22	40		7600	Ande kadala dui zakonuria ankerdiol sa e kris ai so phende le profeturia."
40N	22	41		7610	Kana sas chidine andek than le Farizeanuria, O Jesus phushlia le divano, 
40N	22	42		7620	"So gindin tume pa Kristo? Kasko shav si wo?" Won phende leske, "O Shav le Davidosko."
40N	22	43		7630	O Jesus phendias lenge, "Sar, antunchi o David kana sas O Swunto Duxo pe leste akhardias les, 'Gazda?'" phendias,
40N	22	44		7640	"O gazda phendia murhe gazdaske: 'Besh ka murho chacho vas, zhi pon thav che duzhmanon tela che punrhe.'" 
40N	22	45		7650	Teala o David akharel les, "Gazda," Sar si lesko shav? 
40N	22	46		7660	Chi iek nashti phendias leske iek vorba, ai pala kodia chi mai tromaile te phushen les kaver divanuria.
40N	23	1		7670	Antunchi O Jesus phendia le narodoske ai peske disiplonge, 
40N	23	2		7680	"Le Gramnoturia ai le Farizeanuria thodepe ando than le Mosesosko. 
40N	23	3		7690	Keren so mothon ai sikaven tumen: numa na keren sar lende, ke won sikaven tumen numa chi keren so sikaven. 
40N	23	4		7700	Thon pharipe pel dume le manushenge, numa won chi mangen te vazden ek nai.
40N	23	5		7710	Ai won so godi keren keren kashte te dikhen le manush pe lende. Phiraven E Vorba le Devleski pe pengo shero ai pengo vas, ai lunzharen le chukuria ka penge tsalia! 
40N	23	6		7720	Ai drago lenge te beshen ka shero la skafidiako kal pachiva, ai le mai lashe skamina ande synagogue. 
40N	23	7		7730	Ai drago lenge te den le dies lasho pel vulitsi, ai te mothon lenge le manush, "Rabbi"
40N	23	8		7740	"Na roden te akharen tume "Rabbi" ke iek si tumaro gazda, "O Kristo" ai tume san sa phral. 
40N	23	9		7750	Na phenen kanikaske pe phuv "Murho Dat". Ke iek ferdi si tumaro Dat kodo kai si ando rhaio. 
40N	23	10		7760	Na roden te akharen tume "Baro", ke iek si tumaro "Baro", "O Kristo". 
40N	23	11		7770	"O mai baro mashkar tumende trobul te avel tumari sluga. 
40N	23	12		7780	Kon godi bariarelape si te avel teliardo, ai kon godi mekelape tele si te avel vazdino.
40N	23	13		7790	"Nasul tumenge, Gramnoturia ai Farizeanuria! Tume manush kai ankerdion so chi san! Ke tume phandaven le manushenge, e amperetsia le rhaioski, tume chi zhan andre, ai chi meken te zhan andre kodola kai mangen te zhan andre! 
40N	23	14		7800	Nasul tumenge, Gramnoturia ai Farizeanuria Tume manush kai ankerdion so chi san! Ke tume xan le phivliange khera, ai rhugin tume lungo rhugimos, te miazol ke lashe san! Anda kodia si te pherel mai phari kris pe tumende!
40N	23	15		7810	Nasul tumenge, Gramnoturia ai Farizeanuria! Tume manush kai ankerdion so chi san! Tume phiren pe swako rig la phuviake ai pe maria te nirin ai te parhuven iekes manushes; antunchi, keren anda leste duvar mai but shav iadosko sar tume!
40N	23	16		7820	"Nasul tumenge, tume korhe kai ningeren le korhen! Tume phenen, "Kon godi solaxala pe tamplo, kodia nai khanchi; numa kon godi solaxala po sumnakai kai si ande tamplo, kodo phanglo lo ka peske solax!" 
40N	23	17		7830	Tume prosti ai korhe manush! So si mai baro, o sumnakai vai e tamplo kai swuntsol o sumnakai? 
40N	23	18		7840	Ai kon godi solaxala po altari, kodia nai khanchi, numa kon godi solaxala pe soste si shinado po altari, phanglo lo ka peske solax. 
40N	23	19		7850	Tume prosti ai korhe manush! So si mai baro, so si shinado po altari vai o altari kai swuntsol so si shinado po altari? 
40N	23	20		7860	Kon godi solaxal po altari, solaxal po altari ai pe soste godi si po altari. 
40N	23	21		7870	Ai kodo kai solaxal pe tamplo, solaxal vi pe tamplo ai po Del kai si ande tamplo. 
40N	23	22		7880	Ai kodo kai solaxal po rhaio, solaxal vi po skamin le Devlesko ai po Del kai beshel pe leste.
40N	23	23		7890	"Nasul tumenge, Gramnoturia ai Farizeanuria! Tume manush kai ankerdion so chi san! Ke tume den desh anda iek shel e partia kai trobun te den andai mai tsinorhi diela, Mint, Dill, ai Cummin, numa chi keren so si mai baro ando zakono. So si vorta, Mila; ai Pachamos. 
40N	23	24		7900	Tume korhe kai sikaven kavren! Tume arakhen tume kaste te na nakhaven tsintsari, numa e gemula nakhavel!
40N	23	25		7910	"Nasul tumenge, tume Gramnoturia ai Farizeanuria! Tume manush kai ankerdion so chi san! Ke tume vuzharen avrial e kuchi ai o tiari, numa andral san pherde chorimos, atsaimos ai keren so si tumenge mishto. 
40N	23	26		7920	Tume korhe Farizeanuria! Vuzharen andral mai anglal e kuchi ai o tiari, kashte te avel vuzho vi avrial!
40N	23	27		7930	"Nasul tumenge, Gramnoturia ai Farizeanuria! Tume manush kai ankerdion so chi san! Tume san sar greposhevuria vusharade, ai kerde te miazon shukar avrial, numa andral pherde mule manushenge kokala ai so godi nai vuzho. 
40N	23	28		7940	Sakadia vi tume avrial miazon vorta le manushenge, numa andral bezexale san ai chi san so keren te miazon.
40N	23	29		7950	"Nasul tumenge, Gramnoturia ai Farizeanuria! Tume manush kai ankerdion so chi san! Ke tume thon le murmunturia le profetonge, ai shukaren le greposhevuria manushenge kai sas chache; 
40N	23	30		7960	ai phenen, "Te traiisardiamas andel diesa amare dadenge ai paponge, nas te mudaras le profeton sar kerde won. 
40N	23	31		7970	Ke mothon kadia san marturis tumenge ke san shave kodolenge kai mudarde le profeton! 
40N	23	32		7980	Tume geton so tumare dada thodepe de anda gor te keren!
40N	23	33		7990	Tume sap, tume vitsa sapenge! Sar skepina e kris kai tradela tume ando iado? 
40N	23	34		8000	"Anda kodia tradav tumenge profeturia ai manush kai haliaren ai le manush kai sikaven; uni anda lende mudaren ai thona po trushul, avren si te maren bichonsa ande tumare synagoguria, ai chinuina le foro forestar. 
40N	23	35		8010	Kadia si te perel e dosh pe tumende pala sa o rat shordo ande lumia chache manushengo, de katar o rat le Abelosko o chacho, zhi ka rat le Zachariahosko, o shav le Barachiasesko, kai tume mudardian mashkar e tamplo ai o altari. 
40N	23	36		8020	O chachimos me mothav tumenge, sa e dosh si te perel pe kadia vitsa!"
40N	23	37		8030	"Jerusalem! Jerusalem! Kai mudaren le profeton ai kai shuden baxensa ande kodola kai si tumenge tradine! Sodivar manglem te chidav che shaven, sar ek kaini kai chidel peske puion tela peske paka numa chi manglian. 
40N	23	38		8040	Eta so ashshilo tume tumari tamplo pusto. 
40N	23	39		8050	Me mothav tumenge, chi mai dikhena ma zhi pon chi mothona, Raduime kodo kai avel ando anav le Devlesko."
40N	24	1		8060	O Jesus anklisto avri andai tamplo ai zhalastar, kana leske disipluria avile leste te sikaven leske sa e tamplo ai so godi sas ek partia andai tamplo. 
40N	24	2		8070	Numa O Jesus phendias lenge, "O chachimos phenav tumenge, sa so dikhen avela pherado, chi ashela iek bax po kaver."
40N	24	3		8080	Sar beshelas tele pe plai le masilinenge, le disipluria avile leste korkorho, mothonas, "Phen amenge, kana kerdiolape kodia? So avela o semno ke aves, ai ke getolpe e vriama?"
40N	24	4		8090	O Jesus phenel lenge, "Len tume sama, te na atsavel tume khonik. 
40N	24	5		8100	Ke but avena ande murho anav, ai phenena, "Me sim o Kristo!" ai atsavena buten. 
40N	24	6		8110	Ai ashunena ke marenpe ai vieste kai marenpe, na daran: Ke kodia musai te kerdiol, numa nai inker o gor. 
40N	24	7		8120	Iek them marelape aver themesa; iek amperetsia marelape avria amperetsiasa. Ande but thana chi avela le dosta te xan, avela but naswalimos, ai ande but thana izdrala e phuv. 
40N	24	8		8130	Kadala avela le sumnuria ta anda gor le chinosko ai o nekazo kai si te avel.
40N	24	9		8140	"Antunchi avela e vriama kai dena tume manush ando vas te aven chinuime, te mudaren tume, ai swako them si te vurhitsil tume ke phiraven murho anav. 
40N	24	10		8150	Ande kodia vriama si te durion katar o pachamos, si te purhin iek avres, si te vurhitsin iek avres. 
40N	24	11		8160	Avena but kai nai chache numa kerdion profeturia ai atsavena buten. 
40N	24	12		8170	O nasulimos si te butiol, anda kodia bute manushenge dragostia si te shudrol. 
40N	24	13		8180	Numa kodo kai rhivdila ai ankerela zhando gor, avela skepime. 
40N	24	14		8190	"Ai kadia viasta e lashi pai amperetsia avela phendi ande sa e lumia te avel marturo sa le themenge, antunchi o gor avela."
40N	24	15		8200	"Kana dikhena kodia kai si griatsa le Devleske ke si ando swunto than sar sas phendo katar o profeto Daniel. (Kodo kai jinel, mek te haliarel) 
40N	24	16		8210	Antunchi kodola kai si ande Judea trobula te nashen andel plaia. 
40N	24	17		8220	Kodo kai avela opral pa kher te na zhal te lel vari so anda pesko kher. 
40N	24	18		8230	Kodo kai si ande niva te na zhal palpale te lel peske tsalia. 
40N	24	19		8240	Nasul la zhuvliake kai si phari glatasa, ai kodola kai si le glate pe chuchi ande kodola dies!" 
40N	24	20		8250	Rhugin tume te na avela ivend kana trobula te nashen, vai Sabat; 
40N	24	21		8260	Ke antunchi si te avel ka savo chino ai nekazo, sar e lumia shoxar chi dikhlias, zhi akana ai shoxar chi mai dikhela. 
40N	24	22		8270	Ai te na avino kodola dies skurtiarde; sa le manush kamas te xaiin. Numa pala e sama le manushenge kai si halome katar O Del, kodola diesa si te aven skurtiarde. 
40N	24	23		8280	"Antunchi te avela vari kon te mothol tuke "O Kristo avilo!" "Katka lo" vai "Kote lo" Na Pacha. 
40N	24	24		8290	Ke si te vazdenpe xoxamne kristuria ai xoxamne profeturia; kai kerena kasave semnuria ai mirakluria, ta te sai kamas te atsaven vi kodolen kai si halome katar O Del. 
40N	24	25		8300	"Ashunen! Phendem tumenge mai anglal.
40N	24	26		8310	Te mothona, "Dikhen, avilo. Ande pusta lo! Na zha ta rode; vai kote garado lo! Na paàa. "
40N	24	27		8320	Ke sar o rhunjito kai strefial anda Easto zhi ando Westo kadia si te avel kana O Shav le manushesko avela. 
40N	24	28		8330	Kai godi avela mulo stato kote chidenpe chiriklia kai xan mas."
40N	24	29		8340	"Numa strazo pala o chino ai o nekazo kodole diesengo o kham si te avel tuniariko, o shunuto chi dela vediara, le chererhaia perena anda cheri, ai e putiera kai si ando cheri avena drenchinime. 
40N	24	30		8350	Antunchi dichola o semno ando cheri ke O Shav le Manushesko avel. Antunchi sa le vitsi pe phuv si te nekezhin, ai si te dikhen sar O Shav le Manushesko avel pel nuveria rhaioske ande putiera ai ando barimos. 
40N	24	31		8360	E tutaraza bashela zurales, ai tradela peske angelon ai si te chiden leske halome andal shtar barvalia, ai de anda iek gor la lumiako ai le cheresko zhando kaver gor.
40N	24	32		8370	Sichon katar e paramicha pai pruing le figenge. Kana si terne le krenzhitsi ai anklen patria. Zhanes ke o milai pashe. 
40N	24	33		8380	Sakadia, tume kana dikhena sa kadala dieli zhanen ke pashe lo, ka wudar lo. 
40N	24	34		8390	Chachimasa phenav tumenge, kadia vitsa chi nakhela, zhi pon chi kerdion kadala dieli. 
40N	24	35		8400	O rhaio ai e lumia nakhena, numa murhi vorba shoxar chi nakhela.
40N	24	36		8410	"Khonik chi zhanel kana avela kodo dies vai kodo chaso, chi le angeluria ando rhaio, chi O Shav; ferdi O Dat zhanel. 
40N	24	37		8420	"Sar sas ando dies kana sas o Noah. Sakadia si te avel kana avela O Shav le Manushesko. 
40N	24	38		8430	Sar kai sas ande kodola dies mai anglal sar te avel o pai te tasavel e lumia, le manush xanas, penas, lenas boria, denas sheia, zhi po dies kai o Noah gelo ando paraxodo (Ark). 
40N	24	39		8440	Ai chi zhangle zhi pon chi avilo o pai ai lias le sa. Sakadia avela kana avela O Shav le Manushesko. 
40N	24	40		8450	"Antunchi dui zhene si te aven ande niva; iek si te avel lino, ai iek ashela. 
40N	24	41		8460	Dui zhuvlia licharena jiv; iek avela lini, ai iek ashela.
40N	24	42		8470	Anda kodia arakh tu, ke chi zhanes o dies kai cho Gazda avela.
40N	24	43		8480	Haliaren, te zhanglino o gazda le kheresko ka che chaso la rachako avel o chor, kamas te arkhelpe ai nas te mekel te den andre ande lesko kher. 
40N	24	44		8490	Anda kodia, vi tu, trobul te aves gata ke O Shav le Manushesko si te avel andek chaso kai tu chi gindis."
40N	24	45		8500	Kon si o chacho ai gojaver sluga, kai o gazda thodias te lel sama ande lesko kher te pravarel le lengo xabe pe vriama kai trobul? 
40N	24	46		8510	Raduime kodia sluga, kai lesko gazda arakhela les ke kerel peski buchi kana avela palpale. 
40N	24	47		8520	O chachimos phenach tuke, si te thol les baro pe so godi si les. 
40N	24	48		8530	Numa te avela nasul kodia sluga ai te phenel peske, "Chi avel palpale sigo murho gazda." 
40N	24	49		8540	Antunchi marel le kavre slugen ai tholpe te xal ai te pel macharnensa. 
40N	24	50		8550	O gazda kodola slugako si te avel andek dies kai wo chi azhukerel les, ai andek chaso kai wo chi zhanel. 
40N	24	51		8560	Si te shinel les kotora, ai thol les kodolensa kai ankerdion so nai. Kotse le manush si te roven ai te chiden dandendar."
40N	25	1		8570	"Antunchi e amperetsia le rhaioski si sar desh sheia baria kai line peske lampi (chediara) ai gele po drom kai o ternaxar avelas. 
40N	25	2		8580	Pansh anda lende sas prosti ai pansh gojaver. 
40N	25	3		8590	Le prosti kana line penge lampi, chi line vuloi pensa. 
40N	25	4		8600	Numa le gojaver line mai but vuloi pensa de sar so sas andel lampi. 
40N	25	5		8610	Ke chi avilo o ternaxar pe vriama lindraile ai lias le e lindre.
40N	25	6		8620	Numa ando mashkar la rachako ek glaso dias mui, Dikhen! O ternaxar, Aven leste!
40N	25	7		8630	Antunchi le sheia baria wushtile, ai lasharde peske lampi. 
40N	25	8		8640	Le prosti phende kodolenge kai sas gojaver. "Den ame anda tumaro vuloi ke amare lampi meren."
40N	25	9		8650	Le gojaver phende, "Nashtis, ke kam chi avel dosta tumenge ai vi amenge, zhan ka kodola kai bichinen vuloi ai chinen tumenge.
40N	25	10		8660	Numa zhi pon won gele te chinen vuloi, o ternaxar avilo; le sheia baria kai sas gata gele lesa andre ka o abiav ai o wudar sas phandado.
40N	25	11		8670	Mai palal le kolaver sheia baria avile, ai phende, "Gazda, Gazda! Phuter amenge!" 
40N	25	12		8680	Numa wo phendias, "Chachimasa phenav tumenge, me chi zhanav tumen."
40N	25	13		8690	Anda kodia arakhen tume, ke chi zhanen o dies vai o chaso kana O Shav le Manushesko avela."
40N	25	14		8700	"Ke kadia si sar ek manush kai si te zhaltar dur, ai akhardias peske slugen, ai dias ande lengo vas so sas lesko. 
40N	25	15		8710	Kai iek dias panzh gone sumnakai, ka aver dias dui, ai ka aver dias iek, swakones dias sode wo sai dashtil te lel sama, ai gelo pe pesko drom. 
40N	25	16		8720	Kodo kai lias panzh gone sumnakai, strazo gelo, kerdias buchi lensa, ai dobisardias panzh gone sumnakai mai but. 
40N	25	17		8730	Sakadia kodo kai lias dui, gelo ai dobisardias dui mai but. 
40N	25	18		8740	Numa kodo kai lias iek gono sumnakai, gelo, hunadias gropa ande phuv, ai garadias pesko gazdasko sumnakai.
40N	25	19		8750	But vriama pala kodia o gazda kodole slugenge avilo palpale, ai manglias te sikaven leske so kerde. 
40N	25	20		8760	Kodo kai lias panzh gone sumnakai, avilo ai andias panzh mai but, ai phendias, "Gazda, tu dian ma panzh gone sumnakai. Dikh! Me dobisardem panzh mai but."
40N	25	21		8770	Lesko gazda phendias leske, "Mishto kerdian, lasho ai chacho sluga chachimasa sanas, xantsi dielasa si te thav tut baro pe but dieli, aidi ai hulav ande che gazdasko raduimos!"
40N	25	22		8780	Kodo kai lias dui gone sumnakai avilo, ai phendias, "Gazda, Tu dian ma dui. Dikh! Me dobisardem dui mai but!"
40N	25	23		8790	Lesko gazda phendias leske, "Mishto kerdian, lasho ai chacho sluga chachimasa sanas, xantsi dielasa si te thav tut baro pe but dieli, aidi ai hulav ande che gazdasko raduimos! 
40N	25	24		8800	Kodo kai sas les iek gono sumnakai avilo ai phendias, "Gazda, Zhanglem ke zuralo ai trutno manush san, ke les katar chi thodian ai chides katar chi thodian sumuntsa. 
40N	25	25		8810	Ai darailem, gelem ai garadem cho sumnakai ande phuv, Dikh! Si tu so si chiro."
40N	25	26		8820	Lesko gazda phendias leske, "Tu nasul kandino sluga, tu zhanglian ke lav katar chi thodem ai chidav katar chi thodem sumuntsa." 
40N	25	27		8830	Antunchi tu trobulas te thos murho sumnakai ando banko, ai kana avilemas, sas te lav murho sumnakai palpale, ai vi mai but.
40N	25	28		8840	Anda kodia le o sumnakai lestar, ai de les ka kodo kai si les le desh gone sumnakai. 
40N	25	29		8850	Ke swakones te kai si mai but avela dino ai si te avel les but mai but opral: numa katar kodo kai nai les, vi so si les avela lino lestar. 
40N	25	30		8860	E sluga kai nai kanchesko shuden avri ando tuniariko ai ande kodo than kai rovena ai chiden dandendar."
40N	25	31		8870	"Kana avela O Shav le Manushesko ande pesko barimos, ai sa le angeluria lesa, antunchi beshela pe pesko skamin o amperatitsko. 
40N	25	32		8880	Angla leste avena chidine sa le thema, ai hulavela le manushen iek katar o kaver sar o pastuxo, hulavel le bakren katar le buzhne. 
40N	25	33		8890	Ai thola le bakren pe peski chachi rig, ai le buzhnen pe peski stingo rig.
40N	25	34		8900	Antunchi o amperato si te mothol kodolenge ka lesko vas o chacho, "Aven tume kai san raduime katar murho Dat, len so sas tumenge shinado e amperetsia kai sas getome tumenge de sar sas e lumia kerdi. 
40N	25	35		8910	Ke bokhalo simas, ai dian ma te xav, trushalo simas, ai dian ma te piiva: streino simas, ai andian ma ande cho kher. 
40N	25	36		8920	Nas ma tsalia, ai tu dian ma tsalia, naswalo simas, ai lian sama mandar, phandado simas, ai tu avilian te dikhes ma."
40N	25	37		8930	Antunchi le chache phenena leske, "Gazda, Kana dikhliam tu bokhalo, ai diam tu te xas? Vai trushalo, ai diam tu te pes? 
40N	25	38		8940	Kana dikhliam tu streino, ai andiam tut andre? Vai ke trobunas tut tsalia, ai diam tut? 
40N	25	39		8950	Kana dikhliam tut naswalo, vai phandado, ai aviliam te dikhas tu?"
40N	25	40		8960	Ai o amperato phenela, "O chachimos phenav tumenge, so godi kerdian kodoleske kai si mai prosto anda murho phral, kerdian mange."
40N	25	41		8970	Antunchi phenel kodolenge ka lesko stingo vas, "Zhantar mandar, tume armandine, ande iag kai chi getolpe, kai si getome le bengeske ai leske angelonge. 
40N	25	42		8980	Bokhalo simas, ai chi dian ma te xav, trushalo simas, ai tu chi dian ma te piiav. 
40N	25	43		8990	Streino simas, ai chi akhardian ma andre, nas ma tsalia, ai chi dian ma, naswalo, phandado, ai tu chi avilian te dikhes ma."
40N	25	44		9000	Antunchi won phenen, "Gazda, kana dikhliam tut bokhalo, vai trushalo, vai streino, vai bi tsalengo, vai naswalo, vai phandado, ai chi zhutisardem tu?"
40N	25	45		9010	Antunchi phendia lenge, "O chachimos phenav tumenge, sar chi kerdian le mai prostonenge, chi kerdian chi mange.
40N	25	46		9020	Antunchi zhana ande iag kai chi getolpe, numa le chache ando traio kai chi getolpe.
40N	26	1		9030	Kana O Jesus getosardias sa so sas te phenel, phendias peske disiplonge. 
40N	26	2		9040	"Tume zhanen ke pa dui dies o dies o baro le Zhidovongo, ai O Shav le Manushesko avela dino ando vas te thon les po trushul."
40N	26	3		9050	Antunchi le rasha le bare, ai le Gramnoturia, ai le phure kai poronchinas po them, chidinisaile ande bar ka o Caiaphas, o rashai o baro. 
40N	26	4		9060	Ai denas pe duma sar sai atsaven le Jesusos te thon o vas pe leste, ai te mudaren les. 
40N	26	5		9070	Numa phende, "Nashti avel po dies o baro ke kam buntuilpe o them."
40N	26	6		9080	Kana O Jesus sas ando Bethani, ando kher ka Simon o lepra. 
40N	26	7		9090	Iek zhuvli avili leste ai andias o mai kuchi duxi, sar beshelas ka e skafidi, shordias les pe lesko shero.
40N	26	8		9100	Kana dikhle le disipluria, nas lenge mishto, ai phushenas, "Sostar kerdias kasavi zida? 
40N	26	9		9110	Kado duxi sai avilino bichindo pe but love, ai le love dine kal chorhe."
40N	26	10		9120	O Jesus haliardias, ai phendias lenge, "Sostar dosharen kadala zhuvlia? Ke so woi kerdias mange si de sa shukar diela. 
40N	26	11		9130	Le chorhe sagda avena tumensa, numa me chi avava tumensa sagda. 
40N	26	12		9140	Kana shordias kado duxi pe murho stato, woi kerdias kodia te getol ma pe murho gropomos. 
40N	26	13		9150	O chachimos phenav tumenge, kai godi kadia viasta lashi avela phendi ande sa e lumia, so woi kerdias mange si te avel phendo te denpe goji late."
40N	26	14		9160	Antunchi iek andal desh u dui kai bushelas Judas Iscariot, gelo kal le bare rasha, 
40N	26	15		9170	ai phushlias le, "Sode den ma, te dava les ande tumaro vas? Ashshile lesa pe trenda kotora rup. 
40N	26	16		9180	De katar kodia vriama rodias sar te del les ando vas.
40N	26	17		9190	Po pervo andal jesa le bare kai xanas manrho kai nai puchardo, le disipluria avile ka Jesus, ai phushle, "Kai manges te getosaras tuke te xas o dies o baro le Zhidovongo?"
40N	26	18		9200	Wo phendias, "Zhan ando foro ka kutari, ai phenen leske, 'O gazda phenel, murhi vriama pashe, kerav O Dies O Baro le Zhidovongo ka chiro kher murhe disiplonsa.'" 
40N	26	19		9210	Le disipluria kerde so Jesus phendias lenge, ai getosarde O Dies O Baro le Zhidovongo.
40N	26	20		9220	Kana peli e riat beshlo kai skafidi le desh u do disiplonsa. 
40N	26	21		9230	Ai sar hanas, wo phendias, "O chachimos phenav tumenge, iek anda tumende si te purhin ma."
40N	26	22		9240	Nekezhisaile zurales, ai iek pala avreste phushenas, "Gazda, dar me sim?"
40N	26	23		9250	Wo phendias, "Kodo kai xal mansa anda tiari, si te purhil man." 
40N	26	24		9260	O Shav le Manushesko avela kerdo lesa sar sas ramome pa leste. Numa nasul avela kodoleske kai purhila le Shaves le Manushesko! Mai mishto avilino leske te na arakhadilo sas.
40N	26	25		9270	O Judas kai purhisardia les, phushlias, "Me sim, gazda?" O Jesus phendias leske, "Tu phendian."
40N	26	26		9280	Sar xanas, O Jesus lias manrho, ai swuntsosardias les, phaglias les, ai dias les kal disipluria, ai phendias, "Len, xan, kado si murho stato.
40N	26	27		9290	Lias e kuchi, dias naisimos, ai dias lende, ai phendias, "Pen, sa tume. 
40N	26	28		9300	Ke kado si murho rat. O nevo kontrakto, shordo te pochinel anda o bezex butengo." 
40N	26	29		9310	Phenav tumenge, Chi mai piiava andai fruta le struguroski, de akana ai zhi po dies kai piiava andai e nevi fruta tumensa ande murhi Dadeski amperetsia.
40N	26	30		9320	Kana jilabavde iek jili, gele pe plai le masilinengi.
40N	26	31		9330	O Jesus phendias lenge, "Ariat sa si te meken ma palal so kerdiolape mange, ke ramome, 'Dava dab le pastuxos ai le bakre, si te rhispinpe.' 
40N	26	32		9340	Kana zhuvindiva andai martia, si te zhav mai anglal tumendar ande Galilee."
40N	26	33		9350	O Petri phendias, "Vi te mekena tu sa, pala so kerdiolape tusa, me shoxar chi mekava tut!"
40N	26	34		9360	O Jesus phendias leske, "O chachimos phenav tuke, kadia riat mai anglal sar o kurkorsho te bashel, tu si te mothos trivar ke chi zhanes ma."
40N	26	35		9370	O Petri dias mui, "Vi te trobula te merav tusa, me shoxar chi phenava ke chi zhanav tut," ai sa le disipluria phende sakadia.
40N	26	36		9380	Antunchi gelo peske disiplonsa ka o than kai bushol Gethsemande, ai phendias lenge, "Beshen katka zhi pon zhav me mai inchal te rhugiv ma." 
40N	26	37		9390	Lias pesa o Petri ai le dui shave le Zebedoske, ai kote avilo pe leste pharipe nekazo ai chinuilas. 
40N	26	38		9400	Antunchi phendias lenge, "Haliarav ande murho duxo de sa pharo nekazo, zhi kai martia, beshen katka, beshen wushtiarde mansa."
40N	26	39		9410	Gelo tsirha mai angle, shudiaspe tele mosa pe phuv, ai rhugisailo, "Murho Dat, te sai mek te nakhel kadia kuchi mandar; numa na murhi voia, chiri voia te avel kerdi."
40N	26	40		9420	Antunchi avilo palpale ka peske disipluria, ai arakhlias le ke soven, phendias le Petresko, "So nashtisardian tume te len sama mansa iek chaso? 
40N	26	41		9430	Len sama ai rhugin tume, te na peren ando zumaimos: o duxo mangel, numa o stato kovlo."
40N	26	42		9440	Gelotar e duito data, ai rhugisailo, "Murho Dat te nashti nakhela kadia kuchi mandar, zhi pon chi piiava andai kuchi, chiri voia te avel kerdi."
40N	26	43		9450	Kana avilo palpale mai iek data arakhlias le ke soven ke nashti ankerenas peske iakha phuterde. 
40N	26	44		9460	Mai iek data meklias le, gelotar ai rhugisailo pe trito data, ai phendias sa kodola vorbi.
40N	26	45		9470	Antunchi avilo kal disipluria, ai phendias lenge, "Vi akana soven, ai hodinin. Dikhen, o chaso avilo te avel dino O Shav le Manushesko, ando vas bezexale manushengo. 
40N	26	46		9480	Wushten, aventar, Dikhen, avel kodo kai dias ma ando vas."
40N	26	47		9490	Sar O Jesus delas duma o Judas, iek andal desh u dui avilo,lesa avilo baro narodo sabiensa ai kashtensa, tradine sas katar le bare rasha, ai katar le phure kai poronchinas. 
40N	26	48		9500	Kodo kai dias les ando vas dias len ek semno, phendias, "Kodoles kai chumidava, si o manush, len les." 
40N	26	49		9510	Andak data gelo ka O Jesus, phendias leske, "Sar san gazda?" ai chumidias les.
40N	26	50		9520	O Jesus phendias leske, "Vortakona, ker so avilian te keres." Antunchi avile le manush angle, thode o vas po Jesus ai phangle les. 
40N	26	51		9530	Iek anda kodola kai sas le Kristosa, anzilo ai lias peski sabia, ai shindias tele o khan kodolesko kai sas sluga ka rashai o baro.
40N	26	52		9540	Antunchi O Jesus phendias leske, "Tho chi sabia palpale: ke kon godi lel e sabia xaiil katar e sabia. 
40N	26	53		9550	Dar gindis ke nashti dav mui pe murho Dat, ai andek data tradel mange mai but sar eftavardesh mi angeluria?" 
40N	26	54		9560	Numa sar antunchi te pherdiol o ramomos kai mothol ke musai te kerdiolpe, so akana kerdiol.
40N	26	55		9570	Antunchi O Jesus phendias le narodoske, "Dar chor sim te avilian pala mande sabiensa ai kashtensa te astaren ma? Dies pala dieseste beshlem ande tamplo te sicharav, ai chi thodian o vas pe mande." 
40N	26	56		9580	Numa sa kado kerdilo, kashte o ramomos le profetongo te pherdiol." Antunchi sa le disipluria mekle les, ai rhispisaile.
40N	26	57		9590	Antunchi kodola kai line le Kristos ningerde les ka rashai o baro, ka Caiaphas, ka lesko kher, kotse le Gramnoturia ai le phure kai poronchinas chidinisaile. 
40N	26	58		9600	O Petri liape pala leste de dural zhi ka e bar le bare rashaske, gelo andre, beshlo tele le slugensa, te dikhel so kerdiol.
40N	26	59		9610	Le rasha le bare, ai sa e Sanhedren kodola kai shinenas le krisa, rodenas te thon beda xoxamni po Jesus, te shinen kris pe leste, te mudaren les. 
40N	26	60		9620	Numa chi arakhle, makar ke but avile angle te xoxaven pa leste. De anda gor avile dui ai phende. 
40N	26	61		9630	Kado manush phendias, "Man si e putiera te xaiiv e tampla le Devleski, ai ande trin dies te vazdav kodia tampla."
40N	26	62		9640	Antunchi o rashai o baro wushtilo opre, ai phendias leske, "Nai tu so te phenes pa kodia? So phenen kadala manush pa tute?" 
40N	26	63		9650	Numa O Jesus chi phendias khanch. O rashai o baro phendias leske, "Thav tut pe solax angla O Del o zhuvindo te phenes amenge dar san tu O Kristo, O Shav le Devlesko."
40N	26	64		9660	O Jesus phendias leske, "Tu phendian chire vorbensa, ai mai but me phenav tuke, ke mai angle si te dikhen O Shav le Manushesko ka o vas o chacho putierako ai sar avel pel nuveria le rhaioski."
40N	26	65		9670	Antunchi o rashai o baro shindias peske tsalia, ai dias mui, "Wo dias duma xoxaimos karing O Del, xoxavel pa Del (Blasfime!) So mai trobul ame marturia? Vi tume ashundian o blasfime. 
40N	26	66		9680	So haliaren tume?" "Trobul mudardo," won phende.
40N	26	67		9690	Antunchi chungarde les ando mui, dine les dab dukhumensa. Aver marde les palmi, 
40N	26	68		9700	ai phende, "Kristo, de ame profesi, kon dias tu dab!"
40N	26	69		9710	O Petri beshelas avri ande bar; iek zhuvli sluga avili, ai phendias, "Vi tu sanas lesa O Jesus andai Galilee." 
40N	26	70		9720	Wo phendias, "Nai chaches" angla savorhende, "Chi zhanav pa soste des duma."
40N	26	71		9730	Antunchi gelo karing e wurota, kotse kaver zhuvli dikhlias les, ai phendias kodolenge kai sas kotse, vi wo sas kodolesa O Jesus andai Nazareth."
40N	26	72		9740	Mai iek data phendias, "Nai chaches," ai solaxadias, "Me chi zhanav les." 
40N	26	73		9750	Hantsi vriama pala kodia kodola kai sas kote avile ka Petri, ai phende, "Chaches vi tu san iek anda lende, ke cho divano purhil tut."
40N	26	74		9760	Antunchi o Petri dias pe armaia ai solaxadias lenge, "Me chi zhanav kadale manushes," ai strazo o kurkorsho bashlo.
40N	26	75		9770	Antunchi o Petri diape goji ka le vorbi, kai O Jesus phendiasas leske, "Mai anglal sar te bashel o kurkorsho, tu trivar phenesa, ke chi zhanes ma." Anklisto avri, ai ruia zurales.
40N	27	1		9780	Kana phuterdilo o dies sa le rasha ai le phure kai poronchinas avile andek than, ai dinepe duma pa O Jesus ai ashshile te mudaren les. 
40N	27	2		9790	Phangle les, ai ningerde les ka Pilate o guvernori.
40N	27	3		9800	Kana O Judas kodo kai dias les ando vas, dikhlias ke shinde leske kris te mudaren les, keisailo, ai ningerdias palpale le trenda kotora rup kal rasha ai kal phure kai poronchinas. 
40N	27	4		9810	Ai phendias, "Bezex kerdem ke dem ando vas chache manushes, phende leske, "So si amenge kodia, chiri diela si." 
40N	27	5		9820	O Judas shudias le rupune love ande tamplo, ai gelo ai mudardilo.
40N	27	6		9830	Le bare rasha vazde sa le love, ai phende, "Nai mishto te thas kadala love andel love la tamplaki, ke kadala si ratvale love." 
40N	27	7		9840	Dinepe duma ai ashshile te chinen le lovensa ek kimpo kai busholas "Potter's field" o than kai bichinel le phiria chikake, te gropon streinon. 
40N	27	8		9850	Anda kodia phenen leske, "O kimpo le ratesko, zhi adies." 
40N	27	9		9860	Antunchi so sas phendo katar o profeto Jeremiah pherdilo, "Line le trenda kotora rup, sode wo moldias uni Zhidovonge. 
40N	27	10		9870	Ai dine le te chinen o kimpo "Potter's field". Sar O Del phendias mange."
40N	27	11		9880	O Jesus sas angla guvernori Pilate: ai o guvernori Pilate phushlias les, "Tu san o amperato le Zhidovongo?" "Sar tu phendian," O Jesus phendias leske.
40N	27	12		9890	Kana phende ke doshalo lo le rasha le bare ai le phure kai poronchinas, wo chi phendias khanchi. 
40N	27	13		9900	Antunchi o Pilate phendias leske, "Chi ashunes sa le dosha kai mothon pe tute?" 
40N	27	14		9910	Numa O Jesus chi phendias khanchi ka chi iek andal dosha kai thode pe leste, anda kodia o guvernori Pilate chudisailo.
40N	27	15		9920	Sas ek zakono ka guvernori Pilate po dies o baro le Zhidivongo te mekel avri iekes ande temnitsa savo godi o narodo halola.